Lu 1:34 - Sơ̆p Hlabơar Nơ̆r 'Bok Kei-Dei

³⁴ Kon pơlei Amôrit pơpôi pơpuh lu bơngai Đan oei tơ kơpal groi kông, ưh kơ ăn lu sư jur oei tơ thŭng.

Lu 1:34 Iomraidhean Croise

Jôsuê 19:47

Mă-lei lu bơngai Đan tơnat 'biơ̆ ưh kơ gơh đei teh mă asong kơ lu sư. Lei na lu sư athei tŏk blah iŏk pơlei Lêsem, yua hăm đao gưm pơlôch pơrăm pơlei noh, lu bơngai Đan asong băl oei jang sa tơ lăm noh păng krao anăn pơlei Đan 'bok lu sư,

Lu 1:33

Bơngai Neptali ưh kơ gơh pơpuh tơweh kon pơlei oei tơ Bêt Sêmes păng kon pơlei oei tơ Bêt Hanat; na lu sư oei tŏk-bŏk lăm kon pơlei Kanaan mă-lei kon pơlei Bêt Sêmê păng kon pơlei Bêt Anat lu bơngai Neptali pơgŏ athei lu sư jang pơmat-tat.

Lu 1:35

Kon pơlei Amôrit kư̆m oei tơ kông Hares, Aijalôn păng Salbim; mă-lei adrĕch adrung Jôsep sư pran na lu sư athei bơngai Amôrit jang kơ lu sư gleh pơmat.

Lu 18:1

Kơplah 'noh ưh kơ đei pơtao lăm dêh Isơrael, ưh kơ đei pơtao lu adrĕch Đan oei năm chă teh, anih oei jang sa, yua kơ đơ̆ng sơ̆ truh dang ei, lăm dôm lu adrĕch Isơrael, bơngai Đan âu ưh tam mă đei teh, anih jang sa 'bơ̆t yơ.