Biblia Todo Logo
Bìoball air-loidhne

- Sanasan -




Lu 1:3 - Sơ̆p Hlabơar Nơ̆r 'Bok Kei-Dei

3 Bơngai Juđa pơma dơnuh hăm bơngai Simêôn, 'nhŏng oh lu sư, sư khan: Bĕ bơ̆n năm hơdai nhôn tơ teh đei hlang lăng trŏ kơ nhôn boih, na lu bơ̆n gô blah kon pơlei Kanaan; đơ̆ng noh nhôn gô năm hơdai lu 'nhŏng oh truh tơ dêh char mă đei hlang lăng boih trŏ kơ 'nhŏng oh. Bơngai Simêôn năm hơdai hăm lu sư.

Faic an caibideil Dèan lethbhreac




Lu 1:3
7 Iomraidhean Croise  

Sư đei anăp dơ̆ng tơpŭ kơ minh 'nu kon drŏ-nglo dơ̆ng, anăn sư Simêôn;b păng khan thoi âu; Kră Yang kơtơ̆ng păng băt kơ klo inh ưh kơ 'mêm kơ inh, na ăn thim kơ inh kon 'nâu.


Sư khan kơ Abisai: “Tơdah lu linh Siri pran hloh kơ inh, ih gô năm tơgŭm inh, mă-lei tơdah lu linh Ammôn pran hloh kơ ih, inh gô năm tơgŭm ih.”


Teh mă 'bar hlang lăng trŏ kơ adrĕch Simêôn, kiơ̆ kơ adrĕch adrung lu sư; teh jang sa lu sư âu tŏk-bŏk lu bơngai Juđa.


đơ̆ng adrĕch adrung Simiôn mơjĭt-'bar rơbâu 'nu; đơ̆ng adrĕch adrung Lêwi mơjĭt-'bar rơbâu 'nu; đơ̆ng adrĕch adrung Isakar mơjĭt-'bar rơbâu 'nu;


Kơplah ei, lu bơngai Juđa năm hơdai hăm 'nhŏng oh sư kơdih, bơngai Simêôn, mă blah kon pơlei Kanaan oei tơ pơlei Sêphat, pơrăm đĭ pơlei ei; đơ̆ng noh đe krao anăn pơlei noh Horma.


Kră Yang tơl: Lu bơngai Juđa iĕm boih athei năm adrol; to Inh pơjao boih, dêh char lăm ti lu sư.


Thoi noh lu bơngai Juđa năm, Kră Yang jao kon pơlei Kanaan păng kon pơlei Phêrêsit lăm ti lu sư; tơ Bêsek sư blah pơlôch mơjĭt-rơbâu 'nu bơngai.


Lean sinn:

Sanasan


Sanasan