Lêwi 9:9 - Sơ̆p Hlabơar Nơ̆r 'Bok Kei-Dei

⁹ Lu kon drŏ-nglo Arôn iŏk pham ba kơ sư, sư tôt hơnglâu ti sư tơ pham pik tơ lu ake chơnang soi, đơ̆ng noh tuh pham tơ jơ̆ng chơnang soi.

Lêwi 9:9 Iomraidhean Croise

Êsêkiên 43:15

Chơnang soi kơjung puăn hlok păng kơpal chơnang soi đei puăn tŏ hơke pơdơ̆ng.

Êsêkiên 43:20

Ih iŏk bĕ pham pik tơ puăn tŏ hơke chơnang soi, tơ puăn pah mum păng tơ gơnăp jum dăr, wă kơ ôp rơgoh chơnang soi păng huai đơ̆ng yoch.

Lêwi 16:18

Đơ̆ng noh sư gô lĕch năm tơ chơnang soi 'bơ̆t anăp Kră Yang, soi sơmah kơ chơnang soi wă kơ rơgoh; sư iŏk pham rơmo dăm păng pham bơbe tơno pik jum dăr lu ake chơnang soi.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:30

'Bok soi gô tôt hơnglâu ti sư tơ lăm pham pik tơ lu ake chơnang soi tơmam soi 'buh păng tuh đĭ pham mă oei đei noh tơ jơ̆ng chơnang soi.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Lêwi 9:10

Sư iŏk soh pơyơ̆r rơmă, 'bar tŏ boh-lăn păng mơ'nhao hơtăng lom klơm kon sem tơmam soi huai đơ̆ng yoch, pơyơ̆r tơ chơnang soi, kiơ̆ thoi Kră Yang tơtă bơih kơ Môis.

Lêwi 9:12

Đơ̆ng noh sư pơlôch kon sem pơm tơmam soi 'buh; lu kon drŏ-nglo Arôn chĕp ba kơ sư pham, na sư săi pham noh tăp dăr kơ chơnang soi.

Lêwi 9:18

Kŭm thoi noh mơ̆n, sư pơlôch rơmo păng triu tơno pơm tơmam soi 'blŏk bơnê yua kơ kon pơlei pơla. Lu kon drŏ-nglo Arôn ăn kơ sư pham na sư tơtraih pham noh tăp dăr kơ chơnang soi.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.