Lêwi 9:7 - Sơ̆p Hlabơar Nơ̆r 'Bok Kei-Dei

⁷ Môis khan dơ̆ng kơ Arôn: Ih athei năm jê̆ tơ chơnang soi, pơyơ̆r bĕ tơmam soi huai đơ̆ng yoch păng pơyơ̆r tơmam soi 'buh ih, wă soi huai đơ̆ng yoch ih kơdih gơh rơgoh păng soi huai đơ̆ng yoch kon pơlei pơla păng sơmah huai đơ̆ng yoch lu sư, kiơ̆ thoi Kră Yang đei tơtă bơih.

Lêwi 9:7 Iomraidhean Croise

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 16:24

Sư gô hum tơ lăm minh anih 'lơ̆ng rơgoh, hrŭk ao sư, lĕch tơ 'nguaih, pơyơ̆r tơmam soi 'buh kơ sư kơdih păng tơmam soi 'buh kơ kon pơlei pơla, soi sơmah kơ sư kơdih păng kon pơlei pơla wă kơ rơgoh.

Lêwi 16:6

Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Lêwi 4:3

Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Lêwi 8:34

Thoi đei pơm boih năr âu Kră Yang pơkă bơih, wă pơm kơ lu iĕm rơgoh đơ̆ng tơdrong yoch.

Lêwi 9:2

Sư khan bơtho Arôn thoi âu: Rôp iŏk bĕ minh pôm kon rơmo tơno wă pơm tơmam soi huai đơ̆ng yoch, minh pôm triu tơno pơm tơmam soi 'buh, 'bar tŏ noh ưh kơ đei jĭ kiơ ôh păng pơyơ̆r 'bơ̆t anăp Kră Yang.

Hêbrơ 5:1

Rim 'nu lu 'bok soi tih 'Bok Kei-Dei rơih iŏk sư đơ̆ng khŭl kon bơngai wă jang tang lu bôl sư lơ̆m tơdrong soi sơmah kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch lu bôl sư.

Hêbrơ 5:3

Ưh kơ sĭ lu sư pơyơ̆r tơmam soi yua kơ tơdrong yoch lu bôl buăl đĕch ôh, lu sư pơyơ̆r tơmam soi yua kơ tơdrong yoch lu sư kơdih hai.

Hêbrơ 9:7

Gah lăm mă 'bar lăp minh 'nu 'bok soi tih đĕch gơh mơ̆t kơkuh kơ 'Bok Kei-Dei lơ̆m noh. Mă-lei minh sơnăm minh 'măng đĕch, mă mơ̆t athei yua hăm pham sem dơrong 'mơ̆i na gơh mơ̆t, iŏk pham sem noh soi kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch sư kơdih hăm tơdrong yoch lu bôl buăl sư bơngai Isơrael.

I Sam 3:14

Thoi noh, inh đei pơkă sĭt tơdrong yoch hnam dơnŏ Hêli ưh kơ gơh huai iŏk, mă khan hăm tơmam soi hăm sem dah hăm tơmam soi phe 'ba.