Lêwi 9:3 - Sơ̆p Hlabơar Nơ̆r 'Bok Kei-Dei

³ Ih athei khan bĕ kơ bơngai Isơrael: Lu iĕm athei rôp minh pôm bơbe tơno pơm tơmam soi huai đơ̆ng yoch, minh pôm rơmo kon păng minh pôm triu kon mă ưh kơ đei jĭ kiơ ôh păng 'bar tŏ noh đei minh sơnăm ngăl bơih. Wă pơm tơmam soi 'buh.

Lêwi 9:3 Iomraidhean Croise

Bl 37:31

Lu 'nhŏng sư pơlôch minh pôm bơbe tơno, đơ̆ng noh iŏk ao Jôsep djrŭ tơ lăm pham noh.

Esơra 10:19

Lu sư pơkă wă hrĕch achăng lê̆ akăn lu sư kơdih păng pơyơ̆r minh pôm triu dăm pơm tơmam soi wă huai đơ̆ng yoch lu sư kơdih.

Esơra 6:17

Gah tơdrong pơm giĕng et sa pơih hnam akŭm keh âu, lu sư pơyơ̆r minh-hrĕng tŏ rơmo dăm, 'bar-hrĕng tŏ triu dăm, puăn-hrĕng tŏ triu tơno păng kiơ̆ kơ lu adrĕch bơngai Isơrael, lu sư pơyơ̆r mơjĭt-'bar tŏ bơbe dăm pơm tơmam soi huai đơ̆ng yoch ăn kơ mơjĭt-'bar adrĕch bơngai Isơrael.

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Lêwi 10:16

Môis chă kon bơbe tơno wă pơm tơmam soi sơmah huai đơ̆ng yoch, 'bôh đe 'buh khôi bơih, na sư mĭl kơ Êlêasar păng Ithamar, 'bar 'nu kon Arôn mă oei arih păng khan:

Lêwi 12:6

Tơdah kơtĕch boih măng năr oei rơgoh tơpŭ nge drŏ-nglo dah drŏ-kăn sư, ăn kơ sư năm ba nge noh kơ 'bok soi tơ Bơsŭn Anih Akŭm chĕp ba minh pôm kon triu minh sơnăm, wă pơm tơmam soi 'buh păng minh pôm kon kơtơp dah pơgâm wă pơm tơmam soi huai đơ̆ng yoch.

Lêwi 14:10

Truh năr mă tơhngam, sư gô rôp 'bar tŏ kon triu tơno ưh kơ đei jĭ kiơ, b minh pôm kon triu akăn mă tơ'bưh kơ đêl, ưh kơ đei jĭ kiơ, iŏk pêng lăm mơjĭt tơpŭng hĕch, tuh hrâu đak rơmă ôliwơ.c

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 16:5

Ăn kơ sư iŏk đơ̆ng lăm tơpôl kon pơlei Isơrael 'bar tŏ bơbe tơno wă pơm tơmam soi huai đơ̆ng yoch păng minh pôm triu tơno yua pơm tơmam soi 'buh.

Lêwi 23:12

lăm năr pơyơ̆r hơchô̆ 'ba, mă ba 'ma 'ngiĕo noh lu iĕm kư̆m athei pơyơ̆r kơ Kră Yang minh pôm kon triu tơ'bưh kơ đêl, ưh kơ đei jĭ kiơ, wă pơm tơmam soi 'buh.

Lêwi 4:23

Layơ tơdrong yoch sư pơm đe tơ'bôh ăn kơ sư boih, sư athei chĕp ba tơmam soi sư minh pôm bơbe tơno ưh kơ đei jĭ kiơ.

Lêwi 4:3

Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Lêwi 9:2

Sư khan bơtho Arôn thoi âu: Rôp iŏk bĕ minh pôm kon rơmo tơno wă pơm tơmam soi huai đơ̆ng yoch, minh pôm triu tơno pơm tơmam soi 'buh, 'bar tŏ noh ưh kơ đei jĭ kiơ ôh păng pơyơ̆r 'bơ̆t anăp Kră Yang.

Lêwi 9:4

Minh pôm rơmo dăm, minh pôm triu tơno, wă pơm tơmam soi 'blŏk bơnê, pơyơ̆r 'bơ̆t anăp Kră Yang păng tơmam pơyơ̆r tơpŭng lŭk hrâu boih hăm đak rơmă ôliwơ yua kơ năr âu Kră Yang gô tơ'bôh akâu Sư kơdih kơ iĕm.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.