Lêwi 8:35 - Sơ̆p Hlabơar Nơ̆r 'Bok Kei-Dei

³⁵ Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

Lêwi 8:35 Iomraidhean Croise

I Pot 2:3

Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

Le 29:35

'Nâu kiơ̆ kơ tơdrong Inh pơkă, ih athei pơm thoi noh kơ Arôn hăm lu kon drŏ-nglo sư păng ih athei pơm dôm tơdrong noh kơ lu sư lăm tơpơh năr.

Êsêkiên 43:25

Lăm tơpơh năr, rim năr ih athei pơyơ̆r minh pôm bơbe tơno, wă huai đơ̆ng yoch; păng kư̆m pơyơ̆r minh pôm rơmo dăm, minh pôm triu tơno mă rôp đơ̆ng lu khŭl ưh kơ đei rơka.

Êsêkiên 48:11

Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

Lêwi 10:1

Nađap păng Abihu 'bar 'nu kon drŏ-nglo Arôn, măr sư tă kơ chĕp gĕl tơmam 'bâu phu ngăl, tah ŭnh lăm noh, tah tơmam 'bâu phu kơpal păng pơyơ̆r ŭnh đơ̆ng nai 'bơ̆t anăp Kră Yang. Ŭnh thoi noh Kră Yang ưh kơ đei tơtă ôh kơ lu sư.

Lêwi 14:8

Bơngai wă kơ đei rơgoh noh athei pih hơbĕn ao tai sư, hơkôih đĭ sŏk sư, hum lăm đak na sư gơh rơgoh, đơ̆ng noh sư gơh mơ̆t lăm kơđông, mă-lei gô oei 'nguaih kơ bơsŭn lăm tơpơh năr.

Lêwi 8:30

Đơ̆ng noh Môis iŏk đak rơmă pơgang 'bâu phu păng pham đơ̆ng kơpal chơnang soi, na prôi tơ Arôn păng hơbĕn ao sư păng kư̆m prôi tơ lu kon drŏ-nglo sư, tơ hơbĕn ao lu sư mơ̆n. Thoi noh Môis 'măn lê̆ kơ Arôn hăm lu hơbĕn ao sư păng lu kon drŏ-nglo sư, hăm hơbĕn ao lu sư.

Lêwi 8:34

Thoi đei pơm boih năr âu Kră Yang pơkă bơih, wă pơm kơ lu iĕm rơgoh đơ̆ng tơdrong yoch.

Lêwi 8:36

Arôn păng lu kon drŏ-nglo sư pơm dôm tơdrong noh kiơ̆ thoi Kră Yang yua Môis tơtă ăn.

Jo 19:12

Năr mă pêng năr mă tơpơh bơngai noh athei yua đak 'nâu wă sŭt rơgoh sư kơdih, na jing rơgoh; tơdah lăm năr mă pêng păng năr mă tơpơh ưh kơ sŭt rơgoh sư kơdih, lei ưh kơ gơh rơgoh.

Jo 3:7

Lu bơngai Lêwi gô awih awăn kơ sư păng awih awăn bơ̆jang kơ lu kon pơlei akŭm hơdai lăm Bơsŭn Anih Akŭm, anih kơkuh kơ Kră Yang.

Jo 9:19

Mưh hơmơ̆l oei gom Bơsŭn Anih Akŭm noh đunh dang yơ, kon pơlei bơngai Isơrael kiơ̆ kơ nơ̆r Kră Yang tơtă, ưh kơ đei yak năm tơ nai.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

I Tim 1:18

Ơ dăm Timôthê, ih pơm dôm tơdrong inh athei ih âu hŏ. Ih pơm kư̆m thoi lu bơngai khan lê̆ hơdrol pơkă gah ih sơ̆. Ih 'blŏk kơ tơdrong sư pơkă 'noh wă kơ ih nuih kơ tơblah hăm yang kơnê̆,

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.