Lêwi 8:31 - Sơ̆p Hlabơar Nơ̆r 'Bok Kei-Dei

³¹ Môis khan kơ Arôn păng lu kon drŏ-nglo sư: Lu iĕm athei pai sa 'nhĕm tơ anăp 'măng Bơsŭn Anih Akŭm păng sa hloi tơ noh, sa hăm 'bĕng lăm bai gah tơmam soi pôk tơdrong jang, thoi inh đei pơkă bơih kơ Arôn păng lu kon drŏ-nglo sư gô sa 'nhĕm noh.

Lêwi 8:31 Iomraidhean Croise

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 6:28

Gŏ teh mă đêl pai boih 'nhĕm noh, athei teh pơchah lê̆; Tơdah đe pai noh hăm gŏ kong athei hơkôih păng ôp hăm đak mă rơgoh.

Lêwi 7:15

'Nhĕm sĕch tơmam soi 'blŏk bơnê băt bơnê athei sa pơđĭ hloi lăm năr mă pơyơ̆r noh, ưh kơ gơh 'măn lê̆ oei đei truh pơgê ôh.

Yo 6:33

kơlih kơ tơmam sa đơ̆ng 'Bok Kei-Dei ei na gơh jur đơ̆ng plĕnh wă ăn kon bơngai jơ̆p kơ teh arih.”

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.