Lêwi 8:23 - Sơ̆p Hlabơar Nơ̆r 'Bok Kei-Dei

²³ Môis pơlôch kon triu, iŏk pham pik tơ hla đon gah 'ma Arôn păng pik tơ hơnglâu yŏng ti 'ma, tơ hơnglâu yŏng jơ̆ng 'ma Arôn.

Lêwi 8:23 Iomraidhean Croise

Le 29:20

klaih kơ noh pơlôch triu tơno 'noh iŏk pham pik tơ hla đon gah 'ma Arôn păng lu kon drŏ-nglo sư, tơ hơnglâu yŏng tơpang ti 'ma lu sư păng hơnglâu yŏng jơ̆ng; gah 'ma lu sư; pham oei rơkah noh săi tăp dăr chơnang soi.

Le 29:21

Ih athei iŏk pham đơ̆ng kơpal chơnang soi păng rơmă pơgang 'bâu phu na tơtraih tơ kơpal akâu jăn păng hơbĕn ao Arôn, hăm tơ kơpal akâu păng hơbĕn ao lu kon drŏ-nglo sư, thoi noh Arôn hăm hơbĕn ao sư, lu kon drŏ-nglo sư hăm hơbĕn ao lu sư gô jing rơgoh 'lơ̆ng.

Lêwi 14:14

'Bok soi gô iŏk pham tơmam pơyơ̆r huai đơ̆ng tơdrong hơch 'bơm pơm yoch noh, na pik tơ đon gah 'ma bơngai mă wă kơ rơgoh, tơ hơnglâu yŏng ti gah 'ma păng hơnglâu yŏng jơ̆ng gah 'ma bơngai noh.

Lêwi 14:17

Đak rơmă oei oei lăm tơpang ti 'bok soi gô pik tơ hla đon gah 'ma, tơ hơnglâu yŏng ti 'ma păng hơnglâu yŏng jơ̆ng 'ma bơngai wă kơ rơgoh noh păng dan tơ kơpal pham tơmam soi pơyơ̆r huai đơ̆ng tơdrong hơch 'bơm pơm yoch.

Lêwi 14:25

Sư gô 'bet pơlôch kon triu pơm tơmam soi huai đơ̆ng hơch 'bơm pơm yoch; 'bok soi iŏk pham pik tơ hla đon gah 'ma bơngai mă wă kơ rơgoh tơ hơnglâu yŏng ti gah 'ma tơ hơnglâu yŏng jơ̆ng 'ma sư.

Lêwi 14:28

Păng pik tơ hla đon gah 'ma bơngai mă wă kơ rơgoh noh, tơ hơnglâu yŏng ti 'ma păng hơnglâu yŏng jơ̆ng 'ma sư. Tơ anih đe dan pham tơmam pơyơ̆r huai đơ̆ng tơdrong yoch hơch 'bơm.

Lêwi 7:37

Noh jơ̆ tơdrong juăt gah tơmam soi 'buh, gah tơmam soi phe 'ba, gah tơmam soi huai đơ̆ng yoch păng hơch 'bơm pơm yoch, gah tơmam soi pôk tơdrong jang păng tơmam soi 'blŏk bơnê.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

I Tes 5:22

Dah tơdrong glăi iĕm săi tŭk.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Hêbrơ 5:8

Mă khan Sư Kon 'Bok Kei-Dei, Sư kư̆m hơdai pơmat-tat, na Sư băt kơ adrin chu yom kơ 'Bok Kei-Dei.