Lêwi 8:21 - Sơ̆p Hlabơar Nơ̆r 'Bok Kei-Dei

²¹ Đang kơ đe iŏk đak ôp klak mot, lu tơkong, đơ̆ng noh Môis iŏk đĭ akâu kon bơbe tơno 'buh pơyơ̆r tơ kơpal chơnang soi, noh pơm tơmam soi 'buh đei 'bâu phu yua 'buh hăm ŭnh wă pơyơ̆r kơ Kră Yang kiơ̆ thoi đei tơtă kơ Môis boih.

Lêwi 8:21 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Le 12:9

Lu iĕm lê̆ kơ sa 'nhĕm oei adrih dah pai hăm đak, mă-lei iĕm athei 'buh kơpal ŭnh ngăl mă kơ̆l, jơ̆ng păng klak sư.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 40:16

Na Môis pơm kiơ̆ đĭ thoi dôm tơdrong Kră Yang đei tơtă ăn.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 2:9

'Bok soi sư gô iŏk tơmam soi wă pơyơ̆r noh pơm tơmam soi 'blŏk hơdơ̆r, soh tơ chơnang soi noh pơm tơmam soi soh hăm ŭnh sa đei 'bâu phu 'lơ̆ng ăn kơ Kră Yang.

Lêwi 8:13

Đơ̆ng noh Môis krao lu kon drŏ-nglo Arôn năm jê̆ sư, pơhrŭk ăn ao tai, chô̆ tơlei tơ̆n, pơyơ̆l ăn môk kiơ̆ kơ Kră Yang đei pơtă kơ sư.

Lêwi 8:9

Sư yơ̆l mu tơ kơ̆l sư, tơ anăp mu sư pơklep plăk maih, wă khan môk pơtao 'lơ̆ng rơgoh kiơ̆ kơ nơ̆r Kră Yang tơtă kơ Môis.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.