Lêwi 7:7 - Sơ̆p Hlabơar Nơ̆r 'Bok Kei-Dei

⁷ Tơmam soi huai iŏk đơ̆ng pơm glăi kơ tơdrong juăt kư̆m thoi tơmam soi huai iŏk đơ̆ng pơm yoch, đei tơdrong juăt kơ lu sư 'bok soi gô soi sơmah wă sut tơdrong yoch păng 'bok soi yua sư.

Lêwi 7:7 Iomraidhean Croise

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Pot 12:17

Hơtai noh, Hasael pơtao đe Aram năm blah tơgar iŏk teh Pơlei Gat đơ̆ng noh sư kư̆m chĕp linh wă blah tơgar Pơlei Jêrusalem hai dơ̆ng.

Lêwi 14:13

Sư gô pơlôch kon triu noh lăm anih đe juăt kơ pơlôch sem dơrong tơmam soi, wă pơm tơmam soi huai đơ̆ng yoch. Păng tơmam soi 'buh, tơ minh anih 'lơ̆ng rơgoh, yua kơ tơmam soi huai đơ̆ng tơdrong hơch 'bơm pơm yoch, 'nâu mơ̆ng kơ 'bok soi ngăl kư̆m thoi tơmam soi huai đơ̆ng yoch mơ̆n, noh jơ̆ minh tơmam 'lơ̆ng rơgoh hloh.

Lêwi 2:10

Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 6:17

Ưh kơ gơh pai tơpŭng noh hăm 'buih ôh, Inh ăn kơ sư minh pah tơmam pơyơ̆r yua soh hăm ŭnh, Noh jing tơmam rơgoh hloh. Thoi tơmam pơyơ̆r huai đơ̆ng yoch păng tơmam huai đơ̆ng tơdrong hơch 'bơm kơ pơm yoch.

Lêwi 7:8

'Bok soi pơyơ̆r tơmam soi kơ bu sư gô đei akar đơ̆ng kon sem mă sư pơyơ̆r pơm tơmam soi 'buh noh

Jo 5:8

Tơdah bơngai 'nâu ưh pă đei boih 'nhŏng oh păng dah bơngai wă iŏk tơmam đe tơwih ăn kư̆m pă đei lei tơmam âu gah Kră Yang, wă khan ăn kơ lu 'bok soi, thim đei triu tơno wă soi pơyơ̆r pơm tơmam soi huai tơplih tơdrong yoch sư.

I Kor 10:18

Lu bơngai Isơrael kư̆m lei-lăi thoi bơ̆n mơ̆n, lu mă trŏ kơ sa et tơmam sơmah kơ 'Bok Kei-Dei, bơ̆n 'bôh lu sư pơm tơdrong 'noh bơ̆n băt lu sư pôm đon hăm 'Bok Kei-Dei.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.