Lêwi 7:34 - Sơ̆p Hlabơar Nơ̆r 'Bok Kei-Dei

³⁴ Yua kơ lăm lu tơmam pơyơ̆r 'blŏk bơnê chro to âu bơngai Isơrael Inh iŏk blu kon sem tơmam soi noh ăn kơ 'bok soi Arôn păng lu kon drŏ-nglo sư, kiơ̆ kơ tơdrong juăt oei ling-lang mă lu kon sâu bơngai Isơrael athei pơm kiơ̆.

Lêwi 7:34 Iomraidhean Croise

Le 29:26

Kŭm athei iŏk kơtơh triu tơno pơm yang pơchĕp ăn kơ Arôn, na tơpơng 'ma 'ngiĕo 'bơ̆t anăp Kră Yang, noh mă gah ih.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Lêwi 7:33

Bu lăm lu kon drŏ-nglo Arôn pơyơ̆r pham păng rơmă kon sem tơmam soi pơyơ̆r 'blŏk bơnê, bơngai noh gô đei iŏk blu gah 'ma.

Jo 5:9

Đĭ-đăng tơmam pơyơ̆r 'lơ̆ng rơgoh đơ̆ng lu bơngai Isơrael pơyơ̆r ăn kơ lu 'bok soi boih noh lê̆ kơ lu 'bok soi.

Jo 6:20

Na tơpơng 'ma 'ngiĕo 'bơ̆t anăp Kră Yang; noh jing tơmam rơgoh lê̆ kơ 'bok soi, kơtơh păng blu mă sư đei pơyơ̆r 'ma 'ngiĕo. Klaih kơ noh bơngai kiơ̆ khŭl Nasirit gơh huch sik hơmu.

Jo 8:11

Đơ̆ng noh, Arôn gô pơyơ̆r lu bơngai Lêwi 'bơ̆t anăp Kră Yang jing tơmam soi đơ̆ng lăm adrĕch Isơrael pơyơ̆r tơpơng 'ma 'ngiĕo, wă kơ lu sư bơ̆jang kơ Kră Yang.

Both 18:3

'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.