Lêwi 7:26 - Sơ̆p Hlabơar Nơ̆r 'Bok Kei-Dei

²⁶ Tơ anih ayơ mă lu iĕm oei, lu iĕm 'nĕ kơ sa pham lu sem păr dah lu sem bri.

Lêwi 7:26 Iomraidhean Croise

Bl 9:4

Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

Le 22:30

Gah lu triu păng rơmo ih kư̆m athei pơm thoi noh mơ̆n, lăm tơpơh năr blŭng-a lê̆ oei hơdai mĕ sư, năr mă tơhngam ih athei pơyơ̆r sư kơ Inh.

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Lêwi 7:25

bơngai bu sa rơmă lu kon sem brem yua 'buh hăm ŭnh sa pơyơ̆r kơ Kră Yang, đe gô puh tơlĕch sư đơ̆ng lăm kon pơlei sư kơdih.

Lêwi 7:27

Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.

Yo 6:53

Yêsu khan kơ lu sư: “Inh khan kơ iĕm tơpăt, dah iĕm ưh kơ sa sĕch akar Inh Kon Bơngai păng ưh kơ huch sa pham Inh, lei iĕm ưh kơ đei arih ôh, iĕm dang lĕ lôch đĕch.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Both 12:16

Mă-lei lu iĕm 'nĕ kơ sa pham; athei tuh hŭt lê̆ tơ teh thoi tuh hŭt đak.

Both 12:23

Mă-lei athei kơchăng, 'nĕ kơ sa pham; yua kơ pham đei tơdrong arih, lei na ưh kơ gơh ôh sa tơdrong arih hơdai hăm 'nhĕm.

Both 15:23

Mă-lei iĕm 'nĕ kơ sa pham sư; athei tuh hŭt lê̆ pham noh tơ teh thoi tuh đak.

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.