Lêwi 7:25 - Sơ̆p Hlabơar Nơ̆r 'Bok Kei-Dei

²⁵ bơngai bu sa rơmă lu kon sem brem yua 'buh hăm ŭnh sa pơyơ̆r kơ Kră Yang, đe gô puh tơlĕch sư đơ̆ng lăm kon pơlei sư kơdih.

Lêwi 7:25 Iomraidhean Croise

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:21

Tơdah bơngai bu hơtŭt 'bơm tơmam kơnê̆ 'mê̆-'mach dah đơ̆ng kon bơngai 'mê̆-'mach, đơ̆ng kon sem brem ưh kơ rơgoh dah đơ̆ng tơdrong kiơ mă Kră Yang areh na sa 'nhĕm tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:24

Rơmă lu kon sem brem lôch kơmăp dah lôch đơ̆ng kon sem bri kăp hek gơh yua lăm tơdrong nai, mă-lei iĕm ưh kơ gơh sa ôh;

Lêwi 7:26

Tơ anih ayơ mă lu iĕm oei, lu iĕm 'nĕ kơ sa pham lu sem păr dah lu sem bri.

Lêwi 7:27

Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.