Lêwi 7:2 - Sơ̆p Hlabơar Nơ̆r 'Bok Kei-Dei

² Lăm anih đe pơlôch kon sem pơm tơmam soi 'buh na athei pơlôch kon sem pơm tơmam soi huai đơ̆ng yoch, đơ̆ng noh tơtraih pham sư jum dăr tơ chơnang soi.

Lêwi 7:2 Iomraidhean Croise

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 40:39

Lăm kơdeng 'măng jang 'bar pah đei 'bar tŏ gơ'bang, tơ noh đe pơlôch tơmam soi 'buh, tơmam soi huai đơ̆ng tơdrong yoch tơmam soi huai, hăm đơ̆ng pơm glăi.

Lêwi 1:11

ket pơlôch hloi tơ gah yă-nơ̆m kơ chơnang soi 'bơ̆t anăp Kră Yang. Đơ̆ng noh lu 'bok soi kon drŏ-nglo Arôn gô iŏk pham tơtreh tăp dăr kơ chơnang soi.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 1:5

Sư gô 'bet pơlôch rơmo dăm noh 'bơ̆t anăp Kră Yang, na lu 'bok soi kon drŏ-nglo Arôn iŏk pham rơmo pơyơ̆r păng tơtreh tăp dăr kơ chơnang soi 'bơ̆t 'măng Bơsŭn Anih Akŭm.

Lêwi 14:13

Sư gô pơlôch kon triu noh lăm anih đe juăt kơ pơlôch sem dơrong tơmam soi, wă pơm tơmam soi huai đơ̆ng yoch. Păng tơmam soi 'buh, tơ minh anih 'lơ̆ng rơgoh, yua kơ tơmam soi huai đơ̆ng tơdrong hơch 'bơm pơm yoch, 'nâu mơ̆ng kơ 'bok soi ngăl kư̆m thoi tơmam soi huai đơ̆ng yoch mơ̆n, noh jơ̆ minh tơmam 'lơ̆ng rơgoh hloh.

Lêwi 3:2

Sư gô dan ti sư tơ kơpal kơ̆l kon rơmo mă sư pơyơ̆r noh na 'bet pơlôch hloi, 'bơ̆t 'măng tơm mơ̆t tơ Bơsŭn Anih Akŭm. Lu 'bok soi kon drŏ-nglo Arôn gô tơtraih pham noh tăp dăr kơ chơnang soi.

Lêwi 3:8

Dan ti sư tơ kơpal kơ̆l kon triu đơ̆ng noh 'bet pơlôch hloi 'bơ̆t anăp 'măng Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 4:24

Na dan ti sư tơ kơ̆l bơbe tơno noh, đơ̆ng noh pơlôch hloi 'bơ̆t anăp Kră Yang, pơm tơmam soi 'buh wă huai tơdrong yoch.

Lêwi 4:29

Sư athei dan ti sư tơ kơ̆l sem dơrong pơm tơmam soi noh, klaih kơ noh pơlôch hloi tơ anih đe juăt kơ pơyơ̆r tơmam soi 'buh.

Lêwi 4:33

Dan ti sư tơ kơpal kơ̆l sem dơrong pơm tơmam soi huai yoch noh, na pơlôch hloi, sư jing tơmam soi huai đơ̆ng yoch 'bơ̆t anih đe juăt kơ pơlôch sem dơrong pơm tơmam soi 'buh

Lêwi 5:16

Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Lêwi 5:9

Đơ̆ng noh sư tơtraih pham tơmam soi yua kơ yoch tơ cheng kơ chơnang soi, pham mă oei rơkah hling tơ ala jơ̆ng chơnang soi, noh bơih tơmam soi huai đơ̆ng yoch.

Lêwi 6:25

Roi bĕ kơ Arôn păng lu kon drŏ-nglo sư: 'Nâu boih tơdrong juăt gah tơmam soi huai đơ̆ng yoch athei pơlôch bĕ kon sem wă soi huai đơ̆ng yoch 'bơ̆t anăp Kră Yang. Tơ anih mă đe juăt kơ pơlôch kon sem wă pơyơ̆r tơmam soi 'buh noh jơ̆ tơmam rơgoh hloh.

Lêwi 6:7

'Bok soi gô soi sơmah huai đơ̆ng yoch bơngai noh 'bơ̆t anăp Kră Yang, na tơdrong yoch bơngai noh gơh mơnat ăn mă dôm tơdrong yoch kiơ sư đei pơm glăi.

Jo 6:12

Thoi noh, sư athei 'măn lê̆ akâu sư kơdih kơ Kră Yang, dôm lu năr mă jao akâu sư kơdih păng rôp minh pôm kon triu tơno dang minh sơnăm pơyơ̆r pơm tơmam soi huai iŏk tơdrong sư yoch glăi; mă-lei dôm lu năr sư pơyơ̆r jao akâu sư mă adrol noh ưh pă jô̆ boih, yua kơ năr sư jao akâu noh sư yoch 'mê̆-'mach boih.

Hêbrơ 11:28

Sư đei đon lui tơpă, na sư gơh pơjing giĕng mă đe anăn Giĕng Năm Brih kiơ̆ thoi 'Bok Kei-Dei pơkă. Sư athei lu bơngai Isơrael pik pham bơbe, pham triu tơ 'măng hnam lu sư wă kơ 'bok mă chă pơlôch kon kơdră lu bơngai Êyiptơ 'bôh, na huay pơlôch hơwơ̆l kon lu sư.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.