Lêwi 7:12 - Sơ̆p Hlabơar Nơ̆r 'Bok Kei-Dei

¹² Tơdah bu pơyơ̆r tơmam noh wă bơnê, sư athei pơyơ̆r tơmam soi lu 'bĕng ưh kơ đei hrâu hăm 'buih, dah jrâu hăm đak ôliwơ ôh. 'Bĕng klang ưh kơ hrâu hăm 'buih, jrâu hăm đak rơmă ôliwơ păng 'bĕng tơpŭng wă pơm 'bĕng hrâu hăm đak rơmă ôliwơ.

Lêwi 7:12 Iomraidhean Croise

II Ho 29:31

Hesekia khan: “Dang ei lu iĕm đei hơmet akâu kơdih rơgoh ăn kơ Kră Yang boih; lei na năm tơ âu, chĕp ba tơmam soi pơyơ̆r bơnê mơ̆t tơ lăm Hnam Kră Yang. Kon pơlei khŭl akŭm chĕp ba tơmam soi 'buh păng tơmam soi pơyơ̆r bơnê; lu bơngai đei jơhngơ̆m hiôk na chĕp ba năm pơyơ̆r lu tơmam soi 'buh noh.

II Ho 33:16

Na sư hơmet pơm ming chơnang soi kơ Kră Yang, pơyơ̆r tơmam soi kơ tơdrong rơnŭk rơnua păng tơmam soi 'blŏk bơnê tơ noh; sư bơtho athei lu kon pơlei Juđa lui gơnang kơ Kră Yang 'Bok Kei-Dei Isơrael.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Lêwi 2:4

Layơ ih ba tơmam pơyơ̆r tơpŭng pơtŏ boih tơ lăm tơnuh ŭnh athei iŏk tơpŭng hĕch man pơm 'bĕng ưh kơ đei 'buih pông hrâu đak rơmă ôliwơ dah 'bĕng klang ưh kơ đei 'buih pông pik đak rơmă ôliwơ mơ̆n.

Lêwi 2:5

Tơdah tơmam pơyơ̆r hăm tơpŭng hĕch hơdrĕng tơ lăm gŏ gang ih athei man hăm tơpŭng ưh kơ đei hrâu 'buih pông hăm đak rơmă ôliwơ.

Lêwi 22:29

Tơdah lu iĕm pơyơ̆r tơmam soi 'blŏk bơnê kơ Kră Yang, lu iĕm athei pơyơ̆r mă trŏ thoi noh, na Inh iŏk.

Lêwi 6:16

Lu tơmam mă oei oei Arôn păng lu kon drŏ-nglo sư gô sa tơmam noh, ưh kơ đei 'buih pông, tơ lăm minh anih rơgoh, wă khan sa tơ cham Bơsŭn Anih Akŭm.

Lêwi 7:15

'Nhĕm sĕch tơmam soi 'blŏk bơnê băt bơnê athei sa pơđĭ hloi lăm năr mă pơyơ̆r noh, ưh kơ gơh 'măn lê̆ oei đei truh pơgê ôh.

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Jo 6:15

hơdai hăm tơmam soi phe 'ba păng tơmam soi huch sa păng minh bai 'bĕng ưh kơ đei 'buih; 'bĕng pơm hăm tơpŭng bơlŭ hăm rơmă ôliwơ, lu 'bĕng klang pik đak rơmă ôliwơ.

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 17:18

Kơlih kơ kiơ lu sư ưh kơ wă năm tơ âu na bơnê kơ 'Bok Kei-Dei 'biơ̆? Lăp minh 'nu bơngai âu, tơmoi tăm, mă-lei sư đei nơ̆r bơnê kơ 'Bok Kei-Dei.”

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.