Lêwi 6:7 - Sơ̆p Hlabơar Nơ̆r 'Bok Kei-Dei

⁷ 'Bok soi gô soi sơmah huai đơ̆ng yoch bơngai noh 'bơ̆t anăp Kră Yang, na tơdrong yoch bơngai noh gơh mơnat ăn mă dôm tơdrong yoch kiơ sư đei pơm glăi.

Lêwi 6:7 Iomraidhean Croise

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsêkiên 33:19

Tơdah bơngai pơm yoch achăng lê̆ tơdrong yoch na sư pơm 'lơ̆ng kiơ̆ khôi juăt pơm tơpăt, yua kơ đơ̆ng lu tơdrong noh sư gô arih.

Lêwi 2:1

Layơ bu wă pơyơ̆r ăn kơ Kră Yang tơmam soi phe 'ba, bơngai noh athei iŏk tơpŭng hĕch lŭk hrâu hăm đak rơmă ôliwơ păng dan tơmam 'bâu phu tơ kơpal.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 5:10

Sư gô pơyơ̆r mă 'bar, noh jing tơmam soi 'buh kiơ̆ kơ tơdrong juăt 'bok soi gô sơmah wă kơ rơgoh, đơ̆ng yoch bơngai noh mă pơm boih, na tơdrong yoch bơngai noh gơh mơnat ăn.

Lêwi 5:13

Thoi noh 'bok soi gô soi sơmah wă huai đơ̆ng yoch yua kơ sư pơm yoch boih iŏk minh lăm tơmam 'nâu, bơngai noh gơh đei mơnat ăn; tơpŭng mă oei rơkah noh gô lê̆ kơ 'bok soi kư̆m thoi tơmam soi pơyơ̆r phe 'ba mơ̆n.

Lêwi 5:18

Yua kơ tơdrong yoch sư kơdih bơngai noh athei chĕp ba tơ 'bok soi minh pôm kon triu tơno ưh kơ đei jĭ kiơ. Ih jô̆ sư gĭt thoi tơmam soi pơyơ̆r yua kơ đơ̆ng yoch glăi kơ khôi juăt, na 'bok soi gô soi sơmah ăn kơ bơngai mă glăi 'bơm pơm yoch, na tơdrong yoch bơngai noh gô mơnat ăn.

Lêwi 6:8

Kră Yang khan kơ Môis thoi âu:

Lêwi 7:2

Lăm anih đe pơlôch kon sem pơm tơmam soi 'buh na athei pơlôch kon sem pơm tơmam soi huai đơ̆ng yoch, đơ̆ng noh tơtraih pham sư jum dăr tơ chơnang soi.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mathiơ 12:31

Thoi noh na Inh khan kơ iĕm thoi âu: Mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei huay kơ jô̆ yo ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih bơngai mă pơjăm Yang Bơhngol 'Lơ̆ng Sư ôh.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.