Lêwi 6:5 - Sơ̆p Hlabơar Nơ̆r 'Bok Kei-Dei

⁵ Dah tơmam đêl sư pơkăm pơkă hơlĕnh, sư athei pơdrâu mă tôm 'blep. Đơ̆ng noh sư athei 'mong dơ̆ng minh lăm pơđăm, kiơ̆ kơ tơdrong gĭt sư, ăn kơ tơ'ngla tơmam noh lăm năr mă sư pơyơ̆r tơmam soi huai đơ̆ng yoch sư pơm.

Lêwi 6:5 Iomraidhean Croise

II Sam 12:6

Sư athei duh 'mong puăn plơ̆ng, yua kơ sư pơm thoi noh, sư ưh kơ đei jơhngơ̆m băt mơnat.”

Ne 10:35

Rim sơnăm truh kơ bơyan plei blŭng-a lu nhôn chĕp ba pơyơ̆r păng dôm lu plei 'long plei blŭng-a lu nhôn chĕp ba pơyơ̆r tơ hnam akŭm 'Bok Kei-Dei.

Le 22:1

Bơngai bu tơtông klĕ rơmo dah triu, klaih kơ noh pơlôch dah tĕch lê̆, sư athei duh pơđăm tŏ rơmo ăn kơ đơ̆ng minh pôm rơmo păng puăn tŏ triu ăn kơ đơ̆ng minh pôm triu,

Le 22:4

Dah tơmam mă bơngai tơtông kah đei iŏk, rơmo, aseh, dah triu, oei 'bôh arih lăm tơpang ti sư, lei bơngai tơtông khŏm duh hơgăt 'bar.

Le 22:7

Tơdah bơngai bu pơjao jên dah tơmam ăn kơ bôl buăl sư wei, na đei bơngai tơtông đơ̆ng hnam bơngai wei 'noh, dah đei rôp bơngai tơtông 'noh sư athei duh hloh 'bar wơ̆t.

Le 22:9

Lăm tơdrong tơmam hiong đe oei pơjah băl gah kon rơmo, aseh, minh pôm kon triu, hơbĕn ao dah tơmam kiơ hiong, na đei bơngai khan: Noh tơmam inh tơpă athei anhăk ba bre sư 'noh 'bơ̆t anăp sek tơlang đơ̆ng Kră Yang 'Bok Kei-Dei, dah 'bok sek tơlang khan trŏ kơ bu noh athei duh ăn kơ buăl sư hloh 'bar 'măng,

Le 30:7

Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Êsêkiên 33:15

tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Lêwi 5:16

Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.