Lêwi 6:4 - Sơ̆p Hlabơar Nơ̆r 'Bok Kei-Dei

⁴ Layơ mă đei glăi, pơm yoch boih, na sư athei pơdrâu tơmam đêl sư tơtông, dah đêl sư tơgar iŏk, dah đe jao kơ sư, dah tơmam đe hiong đêl sư dônh.

Lêwi 6:4 Iomraidhean Croise

Bl 21:25

Abraham ưh kơ hiôk hăm pơtao Abimêlek gah đak sơlŭng mă lu đĭch đam pơtao tơgar iŏk.

Ne 5:11

Inh apinh lu iĕm năr âu hloi, athei pơdrâu bĕ kơ lu sư chŭn mir, pơgar hơmu, pơgar ôliwơ păng hnam lu sư, kư̆m pơdrâu minh lăm mơjĭt gah jên, phe 'ba, sik păng đak rơmă, mă lu iĕm đei pơgŏ đơ̆ng lu sư.

Jop 20:19

Yua kơ sư sa pơgâm pă lăng bơngai dơnuh hoh, Tơgar iŏk hnam mă sư ưh kơ đei man.

Jop 24:2

Lu bơngai toh rĭ hơdral Plah tơgar iŏk triu rơmo puh wei rong iŏk;

Êsai 59:6

Wai dŭng ưh kơ gơh yua pơm ao, lu sư ưh kơ gơh hrŭk hăm tơmam wai dŭng. Tơdrong jang lu sư jơ̆ tơdrong kơnê̆ tơpă, ti lu sư pơm tơdrong tơblah tơblŭng.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 18:18

Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 33:15

tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.

Lêwi 24:18

Bu pơlôch minh pôm kon sem brem sư athei 'mong, wă khan tơdrong arih 'mong tơdrong arih.

Lêwi 24:21

Bơngai bu pơlôch kon sem brem sư athei 'mong, na bơngai bu pơlôch bơngai đe gô pơlôch sư.

Lêwi 4:12

Đĭ-đăng akâu rơmo noh sư athei chĕp ba lĕch tơ 'nguaih kơ anih kơđông, năm tơ minh anih 'lơ̆ng rơgoh, anih mă lu sư tuh tơnuh, đơ̆ng noh dan hơtŏk tơ kơpal 'long ŭnh păng 'buh hăm ŭnh, đe gô 'buh đĭ-đăng 'bơ̆t anih đe tuh tơnuh noh.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Jêphania 1:9

Lăm năr noh, Inh gô phak pơđĭ lu bơngai pơplŏng trong bơlôh 'măng cheng păng lu bơngai pơm tơ'bĕnh tơdrong kư̆ kă păng tơdrong kơnê̆ 'bĕnh-'bang kơ hnam yŏng tơ'ngla sư.”

Malachi 1:13

Lu iĕm đei khan dơ̆ng thoi âu: “Ô! Tơdrong jang gleh dêh pă băt dang yơ! Na lu iĕm pơdê sư.” Kră Yang Tih Hloh khan thoi noh. “Lu iĕm năm pơyơ̆r tơmam đơ̆ng iĕm tơtông păng lu kon sem dơrong jo, jĭ na mă năm pơyơ̆r kơ Inh. Inh hăm đei iŏk tơmam âu đơ̆ng ti lu iĕm ưh?” Kră Yang khan thoi noh.

Jo 5:7

bơngai noh athei tơbral roi tơdrong yoch sư păng pơdrâu tơwih tơmam tôm dôm thoi đêl păng ăn thim minh lăm pơđăm tơmam noh tơwih ăn kơ bơngai mă bơ̆n đei pơm glăi.