Lêwi 6:3 - Sơ̆p Hlabơar Nơ̆r 'Bok Kei-Dei

³ Dah mă đei dônh tơmam đe hiong mă-lei sơngah pơkă pơkăm hơlĕnh dơ̆ng păng pơm minh lăm lu tơdrong mă đe juăt kơ pơm, noh yoch bơih.

Lêwi 6:3 Iomraidhean Croise

Le 23:4

Tơdah ih tơ'bơ̆p rơmo dah aseh lu bơngai ayăt kơ ih wơ̆l jrok ih athei puh brŏk ăn kơ tơ'ngla sư.

Le 28:42

Ih athei pơm ăn kơ sư hơbĕn iĕ lăm păng che 'bui brai se wă kơ pĕng tơdrong hang-hông sư, hơbĕn noh đơ̆ng kơiĕng truh tơ blu.

Tơdrông Pơđơk 24:28

'Nĕ chă pơm tơdrong kơđei oei sa kơnê̆ hăm rông 'bôt ih; 'Nĕ yua 'bơ̆r nơ̆r pơma pơhlŭ hơlĕnh?

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.

Lêwi 1:16

'Bok soi gô pleh lê̆ ben păng buch sŏk hăm klơ̆m lê̆ tơ cheng kơ chơnang soi tơ gah hơlĕch anih mă đe tuh lê̆ tơnuh ŭnh.

Lêwi 16:4

Sư gô hrŭk ao tai che hơtăng rơgoh păng hơbĕn che, tơ̆n tơlei tơ̆n che păng yơ̆l môk che tơ kơ̆l sư, noh jơ̆ hơbĕn ao 'lơ̆ng rơgoh mă-lei sư gô hrŭk đang kơ sư hum.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.