Lêwi 6:2 - Sơ̆p Hlabơar Nơ̆r 'Bok Kei-Dei

² Tơdah bu đei pơm yoch hăm Kră Yang, đơ̆ng sư pơma hơlĕnh hăm lu bơngai rông 'bôt sư gah tơmam sư pơjao, dah wei-lăng ăn; dah tơtông iŏk, dah pơgŏ sa đơ̆ng rông 'bôt sư kơdih.

Lêwi 6:2 Iomraidhean Croise

Bl 26:7

Yua kơ Rê'bêka bơngai 'lơ̆ng hơbŏ rơhau, na mưh kon pơlei apinh gah akăn sư, na sư khan, “Noh oh drŏ-kăn inh;” Hli kơ mưh khan, “Noh akăn inh,” sư tơchĕng kơnh hơmơt kơ lu sư pơlôch inh.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Tơdrông Pơđơk 24:28

'Nĕ chă pơm tơdrong kơđei oei sa kơnê̆ hăm rông 'bôt ih; 'Nĕ yua 'bơ̆r nơ̆r pơma pơhlŭ hơlĕnh?

Tơdrông Pơđơk 26:19

Bơngai bu hơlĕnh sơlam kơ rông 'bôt sư, păng khan: Inh hơnul đĕch măi!

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Je 9:5

Rim 'nu gô chă hơlĕnh pơdăr băl. Ưh kơ đei bu pơma tơpăt ôh; Lu sư pơjuăt boih hơpiĕt lu sư pơma hơlĕnh. Lu sư hrăn nŏng pơm tơdrong kơnê̆. Đĭ lap kơdih akâu.

Êsêkiên 40:46

Anih mă tơklă gah yă-nơ̆m 'măn lê̆ kơ lu 'bok soi wei chơnang soi. Noh lu kon drŏ-nglo Sađŏk, lăm lu adrĕch Lêwi gơh năm jê̆ wă bơ̆jang kơ Kră Yang.”

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 5:19

Noh jơ̆ tơmam soi sơmah huai đơ̆ng yoch yua kơ sư đei pơm yoch hăm khôi juăt, sư pơm yoch boih 'bơ̆t anăp Kră Yang.

Lêwi 6:1

Kră Yang khan dơ̆ng kơ Môis thoi âu:

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.