1 Kră Yang khan dơ̆ng kơ Môis thoi âu:
'Nĕ kơ tơtông klĕ.
Bơngai bu tơtông klĕ rơmo dah triu, klaih kơ noh pơlôch dah tĕch lê̆, sư athei duh pơđăm tŏ rơmo ăn kơ đơ̆ng minh pôm rơmo păng puăn tŏ triu ăn kơ đơ̆ng minh pôm triu,
Tơdah bơngai bu pơjao jên dah tơmam ăn kơ bôl buăl sư wei, na đei bơngai tơtông đơ̆ng hnam bơngai wei 'noh, dah đei rôp bơngai tơtông 'noh sư athei duh hloh 'bar wơ̆t.
Yua kơ tơdrong yoch sư bơngai drŏ-nglo athei năm ba minh pôm triu tơno pơyơ̆r tơ anăp Kră Yang, tơ 'măng Bơsŭn Anih Akŭm, na pơm tơmam soi sơmah huai đơ̆ng tơdrong yoch.
Noh jơ̆ tơmam soi sơmah huai đơ̆ng yoch yua kơ sư đei pơm yoch hăm khôi juăt, sư pơm yoch boih 'bơ̆t anăp Kră Yang.
Tơdah bu đei pơm yoch hăm Kră Yang, đơ̆ng sư pơma hơlĕnh hăm lu bơngai rông 'bôt sư gah tơmam sư pơjao, dah wei-lăng ăn; dah tơtông iŏk, dah pơgŏ sa đơ̆ng rông 'bôt sư kơdih.
Bu lăm lu kon drŏ-nglo Arôn pơyơ̆r pham păng rơmă kon sem tơmam soi pơyơ̆r 'blŏk bơnê, bơngai noh gô đei iŏk blu gah 'ma.
Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”
