Lêwi 5:6 - Sơ̆p Hlabơar Nơ̆r 'Bok Kei-Dei

⁶ Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 5:6 Iomraidhean Croise

Êsêkiên 40:39

Lăm kơdeng 'măng jang 'bar pah đei 'bar tŏ gơ'bang, tơ noh đe pơlôch tơmam soi 'buh, tơmam soi huai đơ̆ng tơdrong yoch tơmam soi huai, hăm đơ̆ng pơm glăi.

Êsêkiên 42:13

Na sư khan kơ inh: “Lu anih gah yă-nơ̆m păng anih gah gơal, tơklă hăm cham lăm noh boih anih rơgoh anih lu 'bok soi năm jê̆ Kră Yang gô sa tơmam soi 'lơ̆ng rơgoh hloh. Lu sư kư̆m dan lu tơmam soi 'lơ̆ng rơgoh hloh 'bơ̆t noh tơmam soi phe 'ba, tơmam soi huai đơ̆ng yoch, tơmam soi huai đơ̆ng glăi, yua kơ noh anih rơgoh.

Êsêkiên 44:27

Lăm năr mă lu 'bok soi mơ̆t lăm cham gah lăm wă bơ̆jang tơ lăm anih rơgoh, sư athei pơyơ̆r tơmam soi huai đơ̆ng yoch kơdih, Kră Yang khan.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:28

Tơdah tơdrong sư pơm yoch đe tơ'bôh boih kơ sư. Sư athei chĕp ba tơmam soi minh pôm bơbe akăn ưh kơ đei jĭ kiơ wă pơm tơmam soi yua kơ tơdrong yoch sư pơm boih.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 4:32

Tơdah tơmam soi huai đơ̆ng yoch, athei pơyơ̆r triu akăn ưh kơ đei jĭ kiơ.

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Lêwi 6:6

Kiơ̆ kơ ih khan hơgăt kơ sư, bơngai noh athei rôp triu tơno ưh kơ đei jĭ kiơ, na năm ba kơ 'bok soi pơyơ̆r kơ Kră Yang wă pơm tơmam soi huai đơ̆ng tơdrong sư pơm glăi kơ tơdrong juăt.

Jo 6:12

Thoi noh, sư athei 'măn lê̆ akâu sư kơdih kơ Kră Yang, dôm lu năr mă jao akâu sư kơdih păng rôp minh pôm kon triu tơno dang minh sơnăm pơyơ̆r pơm tơmam soi huai iŏk tơdrong sư yoch glăi; mă-lei dôm lu năr sư pơyơ̆r jao akâu sư mă adrol noh ưh pă jô̆ boih, yua kơ năr sư jao akâu noh sư yoch 'mê̆-'mach boih.