Lêwi 5:16 - Sơ̆p Hlabơar Nơ̆r 'Bok Kei-Dei

¹⁶ Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.

Lêwi 5:16 Iomraidhean Croise

Horiso 69:4

Lu bơngai areh kơ inh tơdrong kơđei, lơ hloh kơ sŏk kơpal kơ̆l inh; Lu pơm ayăt kơ inh tơdrong kơ đei, lu bơngai wă pơrăm inh kơtang tơpă. Inh athei 'mong dôm tơmam mă inh ưh kơ tơtông iŏk ră.

Le 22:1

Bơngai bu tơtông klĕ rơmo dah triu, klaih kơ noh pơlôch dah tĕch lê̆, sư athei duh pơđăm tŏ rơmo ăn kơ đơ̆ng minh pôm rơmo păng puăn tŏ triu ăn kơ đơ̆ng minh pôm triu,

Lêwi 22:14

Tơdah bu hơch 'bơm sa tơmam rơgoh 'lơ̆ng, sư athei 'mong ăn kơ 'bok soi đêl sư sa noh păng ăn thim dơ̆ng minh lăm pơđăm kiơ̆ kơ tơdrong gĭt sư, ăn kơ 'bok soi tơmam sa noh.

Lêwi 27:13

Păng tơdah sư wă huai pơdrâu iŏk, sư athei ăn thim minh lăm pơđăm kiơ̆ kơ sư hơgăt boih.

Lêwi 27:15

Tơdah đơ̆ng rŏng, bơngai noh 'măn lê̆ boih hnam noh 'maih huai pơdrâu iŏk, athei ăn thim minh lăm pơđăm kiơ̆ kơ jên đe hơgăt bơih, na hnam noh gô pơdrâu kơ sư.

Lêwi 27:27

Păng tơdah kon sem brem ưh kơ rơgoh, sư athei kiơ̆ kơ tơdrong gĭt đei hơgăt. Na thim minh lăm pơđăm, đơ̆ng noh huai pơdrâu iŏk sư. Tơdah kon sem noh đe ưh kơ huai pơdrâu iŏk, đe gô tĕch sư, kiơ̆ kơ tơdrong gĭt đei hơgăt bơih.

Lêwi 27:31

Tơdah bu wă huai pơdrâu iŏk tơmam kiơ đơ̆ng minh lăm mơjĭt tơmam sư, athei ăn thim minh lăm pơđăm kơ tơmam noh.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 5:10

Sư gô pơyơ̆r mă 'bar, noh jing tơmam soi 'buh kiơ̆ kơ tơdrong juăt 'bok soi gô sơmah wă kơ rơgoh, đơ̆ng yoch bơngai noh mă pơm boih, na tơdrong yoch bơngai noh gơh mơnat ăn.

Lêwi 5:13

Thoi noh 'bok soi gô soi sơmah wă huai đơ̆ng yoch yua kơ sư pơm yoch boih iŏk minh lăm tơmam 'nâu, bơngai noh gơh đei mơnat ăn; tơpŭng mă oei rơkah noh gô lê̆ kơ 'bok soi kư̆m thoi tơmam soi pơyơ̆r phe 'ba mơ̆n.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 7:2

Lăm anih đe pơlôch kon sem pơm tơmam soi 'buh na athei pơlôch kon sem pơm tơmam soi huai đơ̆ng yoch, đơ̆ng noh tơtraih pham sư jum dăr tơ chơnang soi.

Jo 5:7

bơngai noh athei tơbral roi tơdrong yoch sư păng pơdrâu tơwih tơmam tôm dôm thoi đêl păng ăn thim minh lăm pơđăm tơmam noh tơwih ăn kơ bơngai mă bơ̆n đei pơm glăi.

Jo 5:8

Tơdah bơngai 'nâu ưh pă đei boih 'nhŏng oh păng dah bơngai wă iŏk tơmam đe tơwih ăn kư̆m pă đei lei tơmam âu gah Kră Yang, wă khan ăn kơ lu 'bok soi, thim đei triu tơno wă soi pơyơ̆r pơm tơmam soi huai tơplih tơdrong yoch sư.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

I Sam 6:3

Lu sư tơl khan: Tơdah lu iĕm wă ba Hom Pơgơ̆p Kră Yang đe Isơrael wih 'nĕ kơ năm ba hoh đĕch; iĕm athei chĕp ba tơmam soi wă huai iŏk tơdrong glăi, na lu iĕm gơh klaih păng kư̆m băt yua kơ kiơ Sư ăn tơdrong gleh truh ling-lang tơ iĕm noh.