Lêwi 5:15 - Sơ̆p Hlabơar Nơ̆r 'Bok Kei-Dei

¹⁵ Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 5:15 Iomraidhean Croise

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

Esơra 10:19

Lu sư pơkă wă hrĕch achăng lê̆ akăn lu sư kơdih păng pơyơ̆r minh pôm triu dăm pơm tơmam soi wă huai đơ̆ng yoch lu sư kơdih.

Le 30:13

Bơngai ayơ đei anăn lăm sơ̆p hla bơar athei ăn jên minh puăt seikơlb kiơ̆ kơ seikơl anih rơgoh, trăp sư dang 'bar-jĭt gera thoi noh, minh puăt seikơl noh jing tơmam pơyơ̆r ăn kơ Kră Yang.

Êsêkiên 40:39

Lăm kơdeng 'măng jang 'bar pah đei 'bar tŏ gơ'bang, tơ noh đe pơlôch tơmam soi 'buh, tơmam soi huai đơ̆ng tơdrong yoch tơmam soi huai, hăm đơ̆ng pơm glăi.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 14:12

Đơ̆ng noh 'bok soi gô rôp minh lăm 'bar tŏ kon triu tơno wă pơyơ̆r huai đơ̆ng tơdrong hơch 'bơm kơ pơm yoch, hăm đak rơmă ôliwơ, na ba pơm tơmam soi pơyơ̆r 'ma 'ngiĕo 'bơ̆t anăp Kră Yang.

Lêwi 27:3

Tơdah hơgăt tơdrong gĭt kơ bơngai drŏ-nglo đơ̆ng 'bar-jĭt sơnăm truh tơ tơdrâu-jĭt sơnăm tơdrong gĭt sư dang pơđăm-jĭt seikơla jên hu, kiơ̆ kơ seikơl lăm anih 'lơ̆ng rơgoh.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 5:14

Kră Yang khan kơ Môis:

Lêwi 5:16

Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.

Lêwi 5:18

Yua kơ tơdrong yoch sư kơdih bơngai noh athei chĕp ba tơ 'bok soi minh pôm kon triu tơno ưh kơ đei jĭ kiơ. Ih jô̆ sư gĭt thoi tơmam soi pơyơ̆r yua kơ đơ̆ng yoch glăi kơ khôi juăt, na 'bok soi gô soi sơmah ăn kơ bơngai mă glăi 'bơm pơm yoch, na tơdrong yoch bơngai noh gô mơnat ăn.

Lêwi 6:6

Kiơ̆ kơ ih khan hơgăt kơ sư, bơngai noh athei rôp triu tơno ưh kơ đei jĭ kiơ, na năm ba kơ 'bok soi pơyơ̆r kơ Kră Yang wă pơm tơmam soi huai đơ̆ng tơdrong sư pơm glăi kơ tơdrong juăt.

Lêwi 7:1

'Nâu tơdrong juăt gah tơmam soi huai đơ̆ng yoch jơ̆ tơmam 'lơ̆ng rơgoh hloh.

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Jo 15:24

tơdah tơdrong yoch glăi hơch 'bơm mă kon pơlei ưh tam băt, lei đĭ-đăng kơ bơngai tơpôl kiơ̆ nơ̆r tơtă athei yua minh pôm rơmo dăm pơm tơmam soi 'buh đei 'nhui 'bâu phu ăn kơ Kră Yang, hơdai hăm tơmam soi phe 'ba pham hăm tơmam soi huch; păng minh pôm bơbe tơno pơm tơmam soi huai tơdrong yoch.

Jo 5:5

Kră Yang khan kơ Môis:

Jo 5:8

Tơdah bơngai 'nâu ưh pă đei boih 'nhŏng oh păng dah bơngai wă iŏk tơmam đe tơwih ăn kư̆m pă đei lei tơmam âu gah Kră Yang, wă khan ăn kơ lu 'bok soi, thim đei triu tơno wă soi pơyơ̆r pơm tơmam soi huai tơplih tơdrong yoch sư.

Both 12:26

Gah lu sem dơrong mă iĕm 'măn lê̆ 'lơ̆ng rơgoh wă pơyơ̆r păng kiơ̆ thoi đei pơkă boih dah wă pơsĭt đơ̆ng nơ̆r pơkă wă pơyơ̆r, na rôp anhăk ba năm tơ anih mă Kră Yang rơih boih.

I Sam 6:3

Lu sư tơl khan: Tơdah lu iĕm wă ba Hom Pơgơ̆p Kră Yang đe Isơrael wih 'nĕ kơ năm ba hoh đĕch; iĕm athei chĕp ba tơmam soi wă huai iŏk tơdrong glăi, na lu iĕm gơh klaih păng kư̆m băt yua kơ kiơ Sư ăn tơdrong gleh truh ling-lang tơ iĕm noh.