Lêwi 5:11 - Sơ̆p Hlabơar Nơ̆r 'Bok Kei-Dei

¹¹ Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Lêwi 5:11 Iomraidhean Croise

Le 16:18

Lu sư kŏng hăm ômer, bu dônh lơ kư̆m ưh kơ rơkah, bu dônh tŏ sĕt kư̆m huay ưh kơmah, rim 'nu bơngai dônh lăp kơ sa mah.

Le 16:36

Na, ômer jơ̆ minh lăm mơjĭt êpha.c

Lêwi 1:14

Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 12:8

Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Lêwi 14:21

Mă-lei tơdah bơngai 'noh dơnuh hin ưh kơ kĕ đei dôm tơmam noh ôh, ăn kơ sư rôp minh pôm kon triu tơno, yua lăm tơdrong soi sơmah huai đơ̆ng tơdrong hơch 'bơm pơm yoch, pơyơ̆r 'ma 'ngiĕo, wă pơm tơmam soi wă rơgoh đơ̆ng yoch sư păng minh lăm mơjĭt kĭ tơpŭng bơlah, hrâu hăm đak rơmă ôliwơ, pơm tơmam soi phe 'ba păng minh puăt lit đak ôliwơ.

Lêwi 27:8

Tơdah bơngai pơyơ̆r pơkă pơkăm noh dơnuh dêh, ưh kơ kĕ ăn jên kiơ̆ kơ hơgăt. Athei anhăk ba sư tơ anăp 'bok soi sư gô hơgăt kiơ̆ kơ bơngai noh kĕ đei.

Lêwi 5:12

Sư gô chĕp ba tơpŭng noh tơ 'bok soi, 'bok soi gô chup minh kơđôp wă kơ 'blŏk hơdơ̆r păng 'buh pơyơ̆r tơ chơnang soi tơ kơpal tơmam soi ăn ŭnh sa pơyơ̆r kơ Kră Yang, noh jơ̆ minh tơmam soi huai đơ̆ng yoch.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 5:9

Đơ̆ng noh sư tơtraih pham tơmam soi yua kơ yoch tơ cheng kơ chơnang soi, pham mă oei rơkah hling tơ ala jơ̆ng chơnang soi, noh bơih tơmam soi huai đơ̆ng yoch.

Lêwi 6:20

'Nâu jơ̆ tơmam pơyơ̆r Arôn păng lu kon drŏ-nglo sư, gô pơyơ̆r ăn kơ Kră Yang lăm năr đe tuh đak rơmă tơ lu sư minh lăm mơjĭt êpha tơpŭng, pơm tơmam pơyơ̆r hăm tơpŭng đe juăt kơ pơyơ̆r hơnơ̆ng, minh puăt pơyơ̆r til pơgê, minh puăt pơyơ̆r til kơsơ̆,

Jo 5:15

Lei klo sư athei chông ba akăn sư năm 'bơ̆t anăp 'bok soi, chĕp ba tơpŭng minh lăm mơjĭt êpha phe 'ba tơ'bâu wă pơm tơmam soi, sư ưh kơ gơh hling đak rơmă ôliwơ păng đak tơmam 'bâu phu tơ kơpal tơmam ôh, yua kơ noh jơ̆ tơmam pơyơ̆r phe 'ba ưh kơ đei pham yua kơ tơdrong gar, tơmam soi âu wă pơtih ăn đei pơm tơdrong yoch kơnê̆,

Jo 7:13

Tơmam sư pơyơ̆r noh minh hlak chhĕr hu trăp sư minh-hrĕng pêng-jĭt seikơl, minh hlak pơnhan hu trăp sư tơpơh-jĭt seikơl, kiơ̆ kơ seikơl lăm anih rơgoh; pơđĭ kơ 'bar hlak noh dan 'bĕnh kơ tơpŭng bơlŭ hăm đak rơmă ôliwơ, wă pơm tơmam soi pơyơ̆r phe 'ba;

Luka 2:24

Na bre sư kư̆m soi sơmah kơ Kră Yang 'Bok Kei-Dei kiơ̆ kơ đe chih lăm tơdrong Kră Yang sơ̆ khan: “Iĕm soi sơmah kơ 'Bok Kei-Dei minh agrop sem kơmuŏl dah 'bar tŏ kon kơtơp.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 9:22

Kiơ̆ kơ tơdrong juăt sơ̆, dôm tơdrong rơgoh, tă rơgoh yua kơ pham. Tơ̆ng ưh kơ huach pham, ưh kơ gơh klaih đơ̆ng tơdrong yoch ôh.