Lêwi 5:1 - Sơ̆p Hlabơar Nơ̆r 'Bok Kei-Dei

¹ Tơdah bơngai bu pơm kơdranh mă đei pơkăm pơkă bơih. Păng pơm glăi yua kơ ưh pơdah kơ đe tơdrong sư đêl 'bôh, dah đêl băt lei bơngai noh pŭ yoch sư kơdih bơih.

Lêwi 5:1 Iomraidhean Croise

I Pot 22:16

Mă-lei pơtao khan: “Dôm wơ̆t bơih inh athei ih pơma mă tơpăt 'bơ̆t anăp inh pơkă hăm anăn Kră Yang.”

I Pot 8:31

Tơdah đei bơngai bu mă pơm yoch hăm buôl buăl sư, đe athei sư pơkă tơdah bơngai 'noh năm 'bơ̆t anăp chơnang soi Ih tơ Hnam akŭm âu

II Ho 18:15

Pơtao khan kơ sư: “Hơdôm wơ̆t inh đei athei ih pơma tơpăt hăm inh păng anăn Kră Yang?”

Horiso 38:4

Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

Le 22:11

'bar pah bre sư athei yua anăn Kră Yang pơkă pơkăm bơngai mă wei gô roi sư kơdih ưh kơ đei chro ti hơtŭt 'bơm tơmam buăl sư, bơngai tơ'ngla sem dơrong athei lui kơ nơ̆r sư pơkăm, lei bơngai wei 'noh huay kơ duh ôh.

Tơdrông Pơđơk 29:24

Bơngai bu ngôi hơdai hăm bơngai tơtông ayăt kơ bơhngol sư; Đe ăn sư pơkă pơkăm ră mă-lei ưh kơ pơ̆n pơma kiơ.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Lêwi 17:16

Tơdah sư ưh kơ pih hơbĕn ao sư păng ưh kơ hum, sư gô pŭ tơdrong yoch sư.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 20:17

Tơdah minh 'nu bơngai drŏ-nglo, iŏk mŏ dah oh sư kơdih minh pôm 'bă, na mĕ phara dah pôm mĕ na 'bă pha, na sư ngôi kư̆ kă, noh jing tơdrong kơnê̆ pơm kư̆ kă đe gô puh tơlĕch sư đơ̆ng anăp kon pơlei lu sư, bơngai pơm kơnê̆, pơ'brơh kơ mŏ oh sư, sư gô pŭ iŏk tơdrong glăi kơnê̆ sư.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Lêwi 7:18

Tơdah bu sa 'nhĕm soi noh lăm năr mă pêng, Kră Yang ưh kơ lăp ôh kơ bơngai pơyơ̆r păng Kră Yang kư̆m lăng ưh kơ yua kiơ kơ sư mơ̆n; noh jing tơmam soi Kră Yang areh, na bu sa tơmam noh gô pŭ iŏk tơdrong kư̆ kă sư.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Lu 17:2

Sư khan kơ mĕ sư: Minh-rơbâu minh-hrĕng tơpei hu đe tơtông đơ̆ng ih; ih hiap bơngai bu iŏk jên liơ kư̆m bưh inh gô mơ̆ng; jên noh dang ei lăm ti inh, inh iŏk jên noh. Mĕ sư khan: Apinh Kră Yang tuh ăn tơdrong pŭn hiôk kơ kon dăm inh!