Lêwi 4:7 - Sơ̆p Hlabơar Nơ̆r 'Bok Kei-Dei

⁷ 'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Lêwi 4:7 Iomraidhean Croise

Horiso 118:27

Kră Yang jơ̆ 'Bok Kei-Dei, Sư boih pơchrang ăn kơ lu nhôn hơdah. Chô̆ bĕ tơmam soi pơyơ̆r hăm tơlei bră tơ lu chơnglơ̆ng hơke chơnang soi.

Le 29:12

Ih iŏk pham rơmo dăm, djrŭ hơnglâu ti ih, pik tơ lu ake chơnang soi.

Lêwi 1:5

Sư gô 'bet pơlôch rơmo dăm noh 'bơ̆t anăp Kră Yang, na lu 'bok soi kon drŏ-nglo Arôn iŏk pham rơmo pơyơ̆r păng tơtreh tăp dăr kơ chơnang soi 'bơ̆t 'măng Bơsŭn Anih Akŭm.

Lêwi 16:18

Đơ̆ng noh sư gô lĕch năm tơ chơnang soi 'bơ̆t anăp Kră Yang, soi sơmah kơ chơnang soi wă kơ rơgoh; sư iŏk pham rơmo dăm păng pham bơbe tơno pik jum dăr lu ake chơnang soi.

Lêwi 4:18

Đơ̆ng noh sư gô pik pham tơ lu ake chơnang soi lăm Bơsŭn Anih Akŭm 'bơ̆t anăp Kră Yang, đơ̆ng noh lu pham oei đei tuh đĭ tơ jơ̆ng chơnang soi tơmam soi pơyơ̆r 'buh dan tơ 'măng Bơsŭn Anih Akŭm.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:30

'Bok soi gô tôt hơnglâu ti sư tơ lăm pham pik tơ lu ake chơnang soi tơmam soi 'buh păng tuh đĭ pham mă oei đei noh tơ jơ̆ng chơnang soi.

Lêwi 4:34

Đơ̆ng noh 'bok soi gô iŏk pham tơmam soi yua kơ tơdrong yoch, tôt hơnglâu ti sư lăm pham, pik tơ ake chơnang soi 'buh, pham mă oei đei noh tuh đĭ tơ jơ̆ng chơnang soi.

Lêwi 5:9

Đơ̆ng noh sư tơtraih pham tơmam soi yua kơ yoch tơ cheng kơ chơnang soi, pham mă oei rơkah hling tơ ala jơ̆ng chơnang soi, noh bơih tơmam soi huai đơ̆ng yoch.

Lêwi 6:30

Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Lêwi 9:9

Lu kon drŏ-nglo Arôn iŏk pham ba kơ sư, sư tôt hơnglâu ti sư tơ pham pik tơ lu ake chơnang soi, đơ̆ng noh tuh pham tơ jơ̆ng chơnang soi.

Êphêsô 2:13

Mă-lei mă khan iĕm ataih đơ̆ng 'Bok Kei-Dei dang noh sơ̆, dang ei truh tơ Sư boih, yua kơ Yêsu Krist lôch tuh pham tang iĕm tơ 'long pơglang, pơm kơ iĕm jing minh jơhngơ̆m minh đon hăm Sư.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

Hêbrơ 9:21

Sư chruih pham tơ hnam 'Bok Kei-Dei sơ̆ kư̆m lei-lăi thoi noh. Sư kư̆m chruih tôm kơ tơmam đe wă yua kơkuh kơ 'Bok Kei-Dei lăm noh.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.