Lêwi 4:4 - Sơ̆p Hlabơar Nơ̆r 'Bok Kei-Dei

⁴ Sư athei dui ba rơmo dăm; noh 'bơ̆t 'măng Bơsŭn Anih Akŭm tơ anăp Kră Yang dan ti sư tơ kơ̆l rơmo dăm đơ̆ng noh 'bet pơlôch hloi 'bơ̆t anăp Kră Yang.

Lêwi 4:4 Iomraidhean Croise

II Ho 29:23

Lu sư kư̆m rôp iŏk bơbe tơno wă pơm tơmam soi huai đơ̆ng yoch năm tơ anăp pơtao păng lu kon pơlei akŭm, dan ti lu sư kơpal lu kon sem soi pơyơ̆r noh,

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Lêwi 16:21

Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 4:15

Lu kră bơngai Isơrael athei dan ti lu sư 'bơ̆t kơ̆l rơmo dăm đơ̆ng noh pơlôch hloi 'bơ̆t anăp Kră Yang.

Lêwi 4:29

Sư athei dan ti sư tơ kơ̆l sem dơrong pơm tơmam soi noh, klaih kơ noh pơlôch hloi tơ anih đe juăt kơ pơyơ̆r tơmam soi 'buh.

Lêwi 8:14

Sư dui ba rơmo dăm mơlôh, wă pơm tơmam soi huai đơ̆ng yoch. Arôn păng lu kon drŏ-nglo sư dan ti lu sư kơpal kơ̆l kon rơmo noh.

Jo 8:12

Đơ̆ng noh lu bơngai Lêwi gô dan ti lu sư kơpal kơ̆l 'bar tŏ rơmo dăm noh, na ih athei pơyơ̆r rơmo âu pơm tơmam soi yua kơ tơdrong yoch păng minh pôm dơ̆ng pơm tơmam soi 'buh ăn kơ Kră Yang wă pơm tơmam soi huai tơdrong yoch ăn kơ lu bơngai Lêwi.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.