Lêwi 4:3 - Sơ̆p Hlabơar Nơ̆r 'Bok Kei-Dei

³ Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Lêwi 4:3 Iomraidhean Croise

II Ho 29:21

lu Sư chĕp ba tơpơh tŏ rơmo tơno, tơpơh tŏ triu tơno, tơpơh tŏ triu kon păng tơpơh tŏ bơbe tơno wă pơm tơmam soi pơyơ̆r huai đơ̆ng yoch kơ char sư, kơ hnam rơgoh păng kơ kon pơlei Juđa. Pơtao athei lu 'bok soi kon sâu Arôn, soi pơyơ̆r lu kon sem noh tơ kơpal chơnang soi Kră Yang.

Esơra 8:35

Lu nhôn bơngai mă đe rôp pơm bơnă gơh wih brŏk dơ̆ng, pơyơ̆r tơmam soi 'buh ăn kơ Kră Yang 'Bok Kei-Dei đe Isơrael đĭ mơjĭt-'bar tŏ rơmo dăm đơ̆ng lăm mơjĭt-'bar adrĕch Isơrael, tơsĭn-jĭt tơdrâu tŏ triu dăm, tơpơh-jĭt tơpơh tŏ triu kon păng mơjĭt-'bar tŏ bơbe dăm wă pơm tơmam soi huai iŏk tơdrong yoch; đĭ-đăng pơm tơmam soi 'buh pơyơ̆r kơ Kră Yang.

Le 29:14

Mă-lei akar, sĕch păng ĭch rơmo dăm noh athei chĕp 'buh tơ 'nguaih anih pơlei 'noh boih jing tơmam soi huai tơdrong yoch.

Le 29:21

Ih athei iŏk pham đơ̆ng kơpal chơnang soi păng rơmă pơgang 'bâu phu na tơtraih tơ kơpal akâu jăn păng hơbĕn ao Arôn, hăm tơ kơpal akâu păng hơbĕn ao lu kon drŏ-nglo sư, thoi noh Arôn hăm hơbĕn ao sư, lu kon drŏ-nglo sư hăm hơbĕn ao lu sư gô jing rơgoh 'lơ̆ng.

Le 29:7

hăm iŏk đak pơgang 'bâu phu hling tơ kơpal kơ̆l sư.

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Êsêkiên 40:39

Lăm kơdeng 'măng jang 'bar pah đei 'bar tŏ gơ'bang, tơ noh đe pơlôch tơmam soi 'buh, tơmam soi huai đơ̆ng tơdrong yoch tơmam soi huai, hăm đơ̆ng pơm glăi.

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Êsêkiên 44:27

Lăm năr mă lu 'bok soi mơ̆t lăm cham gah lăm wă bơ̆jang tơ lăm anih rơgoh, sư athei pơyơ̆r tơmam soi huai đơ̆ng yoch kơdih, Kră Yang khan.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 16:3

Arôn gô mơ̆t lăm anih 'lơ̆ng rơgoh thoi âu: Sư dui ba minh pôm rơmo dăm wă pơm tơmam soi huai đơ̆ng yoch păng minh pôm triu tơno wă pơm tơmam soi 'buh.

Lêwi 16:5

Ăn kơ sư iŏk đơ̆ng lăm tơpôl kon pơlei Isơrael 'bar tŏ bơbe tơno wă pơm tơmam soi huai đơ̆ng yoch păng minh pôm triu tơno yua pơm tơmam soi 'buh.

Lêwi 16:6

Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Lêwi 4:14

Tơdah tơdrong yoch lu sư noh pơdah 'bôh tơ 'nguaih, đĭ-đăng lu bơngai tơpôl athei pơyơ̆r minh pôm rơmo dăm iĕ wă pơm tơmam soi huai iŏk yoch sư, dui ba kon rơmo noh 'bơ̆t 'măng Bơsŭn Anih Akŭm.

Lêwi 4:23

Layơ tơdrong yoch sư pơm đe tơ'bôh ăn kơ sư boih, sư athei chĕp ba tơmam soi sư minh pôm bơbe tơno ưh kơ đei jĭ kiơ.

Lêwi 4:28

Tơdah tơdrong sư pơm yoch đe tơ'bôh boih kơ sư. Sư athei chĕp ba tơmam soi minh pôm bơbe akăn ưh kơ đei jĭ kiơ wă pơm tơmam soi yua kơ tơdrong yoch sư pơm boih.

Lêwi 4:5

'Bok soi mă chu tuh đak rơmă bơih gô iŏk pham rơmo noh chĕp ba mơ̆t lăm Bơsŭn Anih Akŭm.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 6:18

Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Lêwi 8:12

Sư kư̆m tuh pơgang 'bâu phu noh kơpal kơ̆l Arôn wă kơ sư jing rơgoh.

Lêwi 9:2

Sư khan bơtho Arôn thoi âu: Rôp iŏk bĕ minh pôm kon rơmo tơno wă pơm tơmam soi huai đơ̆ng yoch, minh pôm triu tơno pơm tơmam soi 'buh, 'bar tŏ noh ưh kơ đei jĭ kiơ ôh păng pơyơ̆r 'bơ̆t anăp Kră Yang.

Lêwi 9:3

Ih athei khan bĕ kơ bơngai Isơrael: Lu iĕm athei rôp minh pôm bơbe tơno pơm tơmam soi huai đơ̆ng yoch, minh pôm rơmo kon păng minh pôm triu kon mă ưh kơ đei jĭ kiơ ôh păng 'bar tŏ noh đei minh sơnăm ngăl bơih. Wă pơm tơmam soi 'buh.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Jo 8:8

Đơ̆ng noh lu sư athei rôp minh pôm rơmo dăm hăm tơmam soi phe 'ba tơpŭng bơlŭ hrâu hăm đak rơmă ôliwơ; gah ih athei rôp iŏk minh pôm rơmo dăm plơ̆ng dơ̆ng yua pơm tơmam soi huai tơdrong yoch;

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 5:3

Ưh kơ sĭ lu sư pơyơ̆r tơmam soi yua kơ tơdrong yoch lu bôl buăl đĕch ôh, lu sư pơyơ̆r tơmam soi yua kơ tơdrong yoch lu sư kơdih hai.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.