Lêwi 4:21 - Sơ̆p Hlabơar Nơ̆r 'Bok Kei-Dei

²¹ đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.

Lêwi 4:21 Iomraidhean Croise

Esơra 8:35

Lu nhôn bơngai mă đe rôp pơm bơnă gơh wih brŏk dơ̆ng, pơyơ̆r tơmam soi 'buh ăn kơ Kră Yang 'Bok Kei-Dei đe Isơrael đĭ mơjĭt-'bar tŏ rơmo dăm đơ̆ng lăm mơjĭt-'bar adrĕch Isơrael, tơsĭn-jĭt tơdrâu tŏ triu dăm, tơpơh-jĭt tơpơh tŏ triu kon păng mơjĭt-'bar tŏ bơbe dăm wă pơm tơmam soi huai iŏk tơdrong yoch; đĭ-đăng pơm tơmam soi 'buh pơyơ̆r kơ Kră Yang.

Le 29:14

Mă-lei akar, sĕch păng ĭch rơmo dăm noh athei chĕp 'buh tơ 'nguaih anih pơlei 'noh boih jing tơmam soi huai tơdrong yoch.

Êsêkiên 45:22

Lăm năr noh, yŏng pơgơ̆r gô pơyơ̆r minh pôm rơmo dăm huai đơ̆ng yoch sư kơdih păng kơ đĭ-đăng kon pơlei lăm char.

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 16:21

Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 16:27

Đe gô anhăk ba rơmo tơno păng bơbe tơno tơ 'nguaih kơ gơđông, tơmam mă hlôi pơyơ̆r bơih pơm tơmam soi huai iŏk đơ̆ng yoch, pham sư đe anhăk ba tơ anih 'lơ̆ng rơgoh wă soi sơmah huai tơdrong yoch; đơ̆ng noh sư gô iŏk soh lê̆ lăm ŭnh, akar, sĕch păng ĭch, tơmam soi noh tơ 'nguaih kơ gơđông.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Lêwi 6:23

Dôm rim tơmam soi hăm phe 'ba đơ̆ng 'bok soi athei soh lê̆ đĭ ưh kơ gơh sa.

Lêwi 8:17

Oei pă lu akar, sĕch sư, ĭch sư, chĕp ba soh lê̆ tơ 'nguaih kơđông, kiơ̆ thoi nơ̆r Kră Yang 'Bok Kei-Dei đei pơkă kơ Môis.

Jo 15:24

tơdah tơdrong yoch glăi hơch 'bơm mă kon pơlei ưh tam băt, lei đĭ-đăng kơ bơngai tơpôl kiơ̆ nơ̆r tơtă athei yua minh pôm rơmo dăm pơm tơmam soi 'buh đei 'nhui 'bâu phu ăn kơ Kră Yang, hơdai hăm tơmam soi phe 'ba pham hăm tơmam soi huch; păng minh pôm bơbe tơno pơm tơmam soi huai tơdrong yoch.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 13:11

Kon sem mă đe wă soi tơ anih giĕng tih, đe 'bet iŏk pôm pham sư đĕch, na đe soi kơ 'Bok Kei-Dei tơ anih giĕng tih, wă kơ klaih kơ tơdrong yoch kon bơngai. Gah akâu kon sem noh đe 'buh pơkhoy pơđĭ tơ jih pơlei.