Lêwi 4:13 - Sơ̆p Hlabơar Nơ̆r 'Bok Kei-Dei

¹³ Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:13 Iomraidhean Croise

Esơra 10:19

Lu sư pơkă wă hrĕch achăng lê̆ akăn lu sư kơdih păng pơyơ̆r minh pôm triu dăm pơm tơmam soi wă huai đơ̆ng yoch lu sư kơdih.

Horiso 19:13

Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Êsêkiên 45:22

Lăm năr noh, yŏng pơgơ̆r gô pơyơ̆r minh pôm rơmo dăm huai đơ̆ng yoch sư kơdih păng kơ đĭ-đăng kon pơlei lăm char.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Lêwi 16:5

Ăn kơ sư iŏk đơ̆ng lăm tơpôl kon pơlei Isơrael 'bar tŏ bơbe tơno wă pơm tơmam soi huai đơ̆ng yoch păng minh pôm triu tơno yua pơm tơmam soi 'buh.

Lêwi 4:21

đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Lêwi 6:4

Layơ mă đei glăi, pơm yoch boih, na sư athei pơdrâu tơmam đêl sư tơtông, dah đêl sư tơgar iŏk, dah đe jao kơ sư, dah tơmam đe hiong đêl sư dônh.

Jo 15:22

Tơdah lu iĕm đei pơm yoch glăi 'bơm, ưh kơ kĕ wei răk dôm tơdrong juăt pơkă 'nâu mă Kră Yang đei pơkă boih kơ Môis,

I Kor 11:27

Kơlih kơ thoi noh na bơngai bu huch sa đak păng 'bĕng âu kư̆ kă, bơngai 'noh sư dang wă pơjăm akâu păng pham Yêsu.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,