Lêwi 4:12 - Sơ̆p Hlabơar Nơ̆r 'Bok Kei-Dei

¹² Đĭ-đăng akâu rơmo noh sư athei chĕp ba lĕch tơ 'nguaih kơ anih kơđông, năm tơ minh anih 'lơ̆ng rơgoh, anih mă lu sư tuh tơnuh, đơ̆ng noh dan hơtŏk tơ kơpal 'long ŭnh păng 'buh hăm ŭnh, đe gô 'buh đĭ-đăng 'bơ̆t anih đe tuh tơnuh noh.

Lêwi 4:12 Iomraidhean Croise

Le 29:14

Mă-lei akar, sĕch păng ĭch rơmo dăm noh athei chĕp 'buh tơ 'nguaih anih pơlei 'noh boih jing tơmam soi huai tơdrong yoch.

Êsêkiên 43:21

Ih iŏk rơmo dăm pơyơ̆r pơm tơmam soi huai đơ̆ng yoch, chĕp 'buh pơkhôi tơ anih mă đei hơmet lê̆ boih kơ cham hnam akŭm tơ 'nguaih kơ anih 'lơ̆ng rơgoh.

Lêwi 13:46

Lăm khei năr tơdrong jĭ, bơngai noh kơnê̆ 'mê̆-'mach sư athei oei hơdrô̆ 'nguaih kơ anih hơdrŭm.

Lêwi 16:27

Đe gô anhăk ba rơmo tơno păng bơbe tơno tơ 'nguaih kơ gơđông, tơmam mă hlôi pơyơ̆r bơih pơm tơmam soi huai iŏk đơ̆ng yoch, pham sư đe anhăk ba tơ anih 'lơ̆ng rơgoh wă soi sơmah huai tơdrong yoch; đơ̆ng noh sư gô iŏk soh lê̆ lăm ŭnh, akar, sĕch păng ĭch, tơmam soi noh tơ 'nguaih kơ gơđông.

Lêwi 4:21

đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.

Lêwi 6:23

Dôm rim tơmam soi hăm phe 'ba đơ̆ng 'bok soi athei soh lê̆ đĭ ưh kơ gơh sa.

Lêwi 6:30

Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.

Lêwi 6:4

Layơ mă đei glăi, pơm yoch boih, na sư athei pơdrâu tơmam đêl sư tơtông, dah đêl sư tơgar iŏk, dah đe jao kơ sư, dah tơmam đe hiong đêl sư dônh.

Lêwi 8:17

Oei pă lu akar, sĕch sư, ĭch sư, chĕp ba soh lê̆ tơ 'nguaih kơđông, kiơ̆ thoi nơ̆r Kră Yang 'Bok Kei-Dei đei pơkă kơ Môis.

Lêwi 9:11

Sư 'buh lê̆ sĕch hăm akar tơ 'nguaih kơ kơđông.

Jo 15:35

Kră Yang khan kơ Môis thoi âu: Bơngai 'nâu athei pơlôch, đĭ-đăng khŭl tơpôl akŭm athei klơ̆m tơmo kơ sư tơ đaih kơđông.

Jo 19:3

Jao ăn rơmo noh kơ 'bok soi Êlêasar, chông ba tơ 'nguaih kơđông, na pơlôch rơmo noh 'bơ̆t anăp sư.

Jo 19:5

Đe gô 'buh rơmo adruh noh 'bơ̆t anăp sư, 'buh akar, sĕch păng pham hrâu hơbĭ hăm ĭch sư.

Jo 5:3

Mă drŏ-nglo dah drŏ-kăn athei puh tơweh lê̆ lu sư tơ 'nguaih kơ kơđông, wă kơ lu sư huay kơ pơm mơgrĭ 'mê̆-'mach kơ anih kơđông, mă đei Inh oei tơ lăm noh,

Hêbrơ 13:11

Kon sem mă đe wă soi tơ anih giĕng tih, đe 'bet iŏk pôm pham sư đĕch, na đe soi kơ 'Bok Kei-Dei tơ anih giĕng tih, wă kơ klaih kơ tơdrong yoch kon bơngai. Gah akâu kon sem noh đe 'buh pơkhoy pơđĭ tơ jih pơlei.