1 Kră Yang khan dơ̆ng kơ Môis thoi âu:
Arôn gô mơ̆t lăm anih 'lơ̆ng rơgoh thoi âu: Sư dui ba minh pôm rơmo dăm wă pơm tơmam soi huai đơ̆ng yoch păng minh pôm triu tơno wă pơm tơmam soi 'buh.
'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.
Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.
Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.
Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.
Thoi noh Arôn năm jê̆ tơ chơnang soi, pơlôch kon rơmo tơno yua pơm tơmam soi huai đơ̆ng yoch sư kơdih.
