Lêwi 3:9 - Sơ̆p Hlabơar Nơ̆r 'Bok Kei-Dei

⁹ Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.

Lêwi 3:9 Iomraidhean Croise

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

I Pot 3:15

Na Sôlômôn 'blơ̆ hơdơ̆r đơ̆ng tep mơn băt noh tơdrong apo. Sư iung brŏk tơ pơlei Jêrusalem, dơ̆ng 'bơ̆t anăp Hom Tơdrong Pơgơ̆p Kră Yang, pơyơ̆r tơmam soi 'buh păng pơyơ̆r tơmam soi bơnê păng pơih et sa tih hơdai hăm lu đĭch đam păng lu yŏng bơ̆jang kơ sư.

I Pot 8:63

Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

I Pot 8:64

Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

I Ho 16:1

Lu sư tung ba Hom Pơgơ̆p Kră Yang 'Bok Kei-Dei păng dan 'măn sư lăm bơsŭn mă Đawit pơdơ̆ng. Lu sư kư̆m pơyơ̆r tơmam soi 'buh păng tơmam soi pơyơ̆r hiôk-hian 'bơ̆t anăp Kră Yang 'Bok Kei-Dei.

Le 29:22

Yua kơ kon triu tơno noh pơm yang pơchĕp ăn tơdrong jang, thoi noh ih athei iŏk rơmă; kiĕng, rơmă klak, mơ'nhao lom klơm, 'bar tŏ boh-lăn păng blu gah 'ma,

Tơdrông Pơđơk 23:26

Ơ dăm, pơjao bĕ jơhngơ̆m ih kơ inh; Măt ih kơchăm rok kiơ̆ trong inh.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Lêwi 17:5

Tơdrong noh wă kơ kon pơlei Isơrael iŏk tơmam soi lu sư mă đei 'bet pơlôch tơ bri tơ mir, na anhăk ba kơ 'bok soi, 'bơ̆t anăp Kră Yang tơ 'măng Bơsŭn Anih Akŭm. Wă 'bet pơyơ̆r soi sơmah kơ tơdrong 'blŏk bơnê kơ Kră Yang.

Lêwi 7:3

Păng đe pơyơ̆r đĭ tơmam kiĕng păng rơmă dôm klak mot sư,

Lêwi 8:25

'Blă đơ̆ng noh sư iŏk rơmă, rơmă kiĕng, đĭ-đăng lu rơmă lu mơ'nhao dom tơ klơm, 'bar tŏ boh-lăn hăm rơmă đơ̆ng 'bar tŏ boh-lăn păng blu gah 'ma.

Lêwi 9:19

Păng kư̆m chĕp ba kơ sư rơmă rơmo păng triu tơno, rơmă kiĕng, lu rơmă lom klak 'bar tŏ boh-lăn păng pơ'nhao lom klơm.

Jo 7:88

Jô̆ đĭ rơmo dăm yua pơm tơmam soi 'blŏk hơdơ̆r kơ tơdrong hiôk-hian đei 'bar-jĭt puăn tŏ păng tơdrâu-jĭt tŏ triu tơno, tơdrâu-jĭt bơbe tơno, tơdrâu-jĭt bơbe kon tơno truh minh sơnăm. Noh boih tơmam soi pơyơ̆r lăm năr pơih pơyơ̆r chơnang soi, đang kơ chơnang soi đei tuh đak rơmă boih.

I Sam 10:8

Đơ̆ng noh, ih athei năm jur adrol kơ Inh tơ Gilgal, inh gô kiơ̆ ih tơ noh wă pơyơ̆r tơmam soi 'buh păng tơmam soi băt bơnê. Ih athei gô Inh truh tơ noh tơpơh năr Inh gô bơtho ih dôm tơdrong ih athei pơm.