Lêwi 3:16 - Sơ̆p Hlabơar Nơ̆r 'Bok Kei-Dei

¹⁶ 'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Lêwi 3:16 Iomraidhean Croise

Bl 4:4

Abel kư̆m pơyơ̆r kon triu tuh blŭng-a hăm rơmăa sư kơ Kră Yang 'Bok Kei-Dei, Kră Yang lăng gah Abel păng iŏk tơmam soi sư.

II Ho 29:35

Kŭm đei lơ tơmam soi 'buh hăm rơmă đơ̆ng tơmam soi 'blŏk bơnê păng tơmam soi huch hơdai hăm tơmam soi 'buh. Thoi ei, tơdrong soi pơyơ̆r 'buh ăn kơ Kră Yang đei pơm hơmet ming dơ̆ng lăm hnam Kră Yang.

II Ho 7:7

Sôlômôn 'măn lê̆ minh anih tŏk-bŏk cham 'bơ̆t anăp hnam akŭm Kră Yang; tơ noh boih mă sư pơyơ̆r tơmam soi 'buh păng rơmă pơm tơmam soi kơ tơdrong hiôk-hian, yua kơ lu chơnang soi păng kong mă đêl Sôlômôn pơm noh ưh kơ mah wă dan đĭ lu tơmam soi 'buh, tơmam soi phe 'ba păng rơmă.

Le 29:13

Ih athei iŏk đĭ-đăng dôm lu rơmă klak, mơ'nhao lom klơm, 'bar tŏ boh-lăn păng rơmă boh-lăn na anhăk năm 'buh tơ kơpal chơnang soi.

Le 29:22

Yua kơ kon triu tơno noh pơm yang pơchĕp ăn tơdrong jang, thoi noh ih athei iŏk rơmă; kiĕng, rơmă klak, mơ'nhao lom klơm, 'bar tŏ boh-lăn păng blu gah 'ma,

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Lêwi 17:6

'Bok soi gô tơtraih pham tơmam soi tơ kơpal chơnang soi kơ Kră Yang 'bơ̆t 'măng Bơsŭn Anih Akŭm păng soh pơyơ̆r rơmă đei 'bâu phu ăn kơ Kră Yang.

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 8:25

'Blă đơ̆ng noh sư iŏk rơmă, rơmă kiĕng, đĭ-đăng lu rơmă lu mơ'nhao dom tơ klơm, 'bar tŏ boh-lăn hăm rơmă đơ̆ng 'bar tŏ boh-lăn păng blu gah 'ma.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’