Lêwi 3:12 - Sơ̆p Hlabơar Nơ̆r 'Bok Kei-Dei

¹² Tơdah tơmam sư pơyơ̆r păng bơbe sư athei pơyơ̆r 'bơ̆t anăp Kră Yang.

Lêwi 3:12 Iomraidhean Croise

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:2

Pơma roi bĕ kơ kon pơlei Isơrael thoi âu: Layơ bu lăm lu iĕm đei năm pơyơ̆r tơmam soi kơ Kră Yang athei rôp iŏk rơmo, triu dah bơbe đơ̆ng lăm khŭl sem dơrong na pơyơ̆r.

Lêwi 1:6

Đơ̆ng noh lŏng akar rơmo păng kăt lơ kơnăt.

Lêwi 10:16

Môis chă kon bơbe tơno wă pơm tơmam soi sơmah huai đơ̆ng yoch, 'bôh đe 'buh khôi bơih, na sư mĭl kơ Êlêasar păng Ithamar, 'bar 'nu kon Arôn mă oei arih păng khan:

Lêwi 3:1

Tơdah bu wă pơyơ̆r tơmam 'blŏk bơnê kơ Kră Yang hăm rơmo tơno dah akăn, athei rơih rơmo 'lơ̆ng huay kơ đei jĭ kiơ.

Lêwi 9:15

Păng sư pơyơ̆r tơmam soi kon pơlei pơla. Sư rôp bơbe tơno pơm tơmam soi huai đơ̆ng yoch kon pơlei păng pơlôch kon bơbe noh, pơyơ̆r wă huai đơ̆ng yoch, nhen thoi tơmam soi huai đơ̆ng yoch mă adrol ki.

Lêwi 9:3

Ih athei khan bĕ kơ bơngai Isơrael: Lu iĕm athei rôp minh pôm bơbe tơno pơm tơmam soi huai đơ̆ng yoch, minh pôm rơmo kon păng minh pôm triu kon mă ưh kơ đei jĭ kiơ ôh păng 'bar tŏ noh đei minh sơnăm ngăl bơih. Wă pơm tơmam soi 'buh.

Jo 15:6

Dah minh pôm triu tơno, na ih athei iŏk tơmam soi pơyơ̆r phe 'ba dang 'bar lăm mơjĭt êpha tơpŭng bơlŭ hăm minh lăm pêng lit rơmă ôliwơ,

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.