Lêwi 3:11 - Sơ̆p Hlabơar Nơ̆r 'Bok Kei-Dei

¹¹ Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Lêwi 3:11 Iomraidhean Croise

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Êsêkiên 44:7

Lu iĕm hlôi chông ba adrĕch adrung kon pơlei tơmoi, lu bơngai mă ưh kơ kăt tơdra jơhngơ̆m, kư̆m ưh kơ kăt tơdra akar mơ̆t lăm anih 'lơ̆ng rơgoh Inh wă pơ'mê̆ kơ hnam akŭm Inh, kơplah lu iĕm pơyơ̆r tơmam sa kơ Inh, rơmă păng pham; lu iĕm pơm yoch glăi boih kơ nơ̆r pơkă Inh hăm tơdrong kơnê̆ 'mê̆ krưp lu iĕm.

Lêwi 21:17

athei khan bĕ kơ Arôn. Ưh kơ đei bu lăm kon hơ'lơ̆p ih lăm chăl arih sư đei tơdrong jĭ jăn ưh kơ gơh năm jê̆ wă pơyơ̆r tơmam soi kơ Kră Yang 'Bok Kei-Dei ôh.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Lêwi 22:25

'Nĕ kơ iŏk đơ̆ng ti bơngai tơmoi, minh pôm kon sem tơmam soi ayơ mă thoi noh, wă pơyơ̆r tơmam soi kơ Kră Yang 'Bok Kei-Dei ih. Yua kơ akâu sư rơka rơkĕch, Inh ưh kơ iŏk ôh tơmam soi noh.

Lêwi 3:16

'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”

Malachi 1:7

“Lu iĕm pơyơ̆r tơmam 'mê̆-'mach tơ gơ'bang soi Inh, đơ̆ng noh lu iĕm khan: ‘Lu nhôn pơm kơnê̆ 'mê̆-'mach kơ Ih tơ yơ?’ Noh mă tơdrong lu sư khan: ‘Gơ'bang Kră Yang trŏ kơ pơdê.’

Jo 28:2

Tơtă bĕ tơdrong 'nâu hăm lu kon pơlei Isơrael păng khan: Ăn lu iĕm kơchăng jah pơyơ̆r kơ Inh tơmam sa kiơ̆ trŏ kơ đêl nơ̆r Inh tơtă, pơyơ̆r kơ Inh noh tơmam soi 'buh na 'bâu phu truh tơ Inh.

Jo 28:24

Athei pơyơ̆r rim năr lăm tơpơh năr, lu iĕm athei pơyơ̆r tơmam soi 'buh lăm ŭnh, đei 'bâu phu ăn kơ Kră Yang. Ăn kơ lu iĕm pơyơ̆r tơmam soi noh 'nguaih kơ tơmam soi 'buh đei hơnơ̆ng păng pơyơ̆r hơdai hăm tơmam huch hai.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.