Lêwi 3:1 - Sơ̆p Hlabơar Nơ̆r 'Bok Kei-Dei

¹ Tơdah bu wă pơyơ̆r tơmam 'blŏk bơnê kơ Kră Yang hăm rơmo tơno dah akăn, athei rơih rơmo 'lơ̆ng huay kơ đei jĭ kiơ.

Lêwi 3:1 Iomraidhean Croise

I Ho 21:26

Đawit pơm minh pôm chơnang soi kơ Kră Yang tơ noh păng pơyơ̆r tơmam soi 'buh păng pơyơ̆r tơmam soi apinh hiôk hiam, krao apinh Kră Yang, Kră Yang tơl tơwih kơ sư hăm ŭnh đơ̆ng plĕnh huŏng 'bơ̆t kơpal chơnang soi pơyơ̆r tơmam soi 'buh.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Tơdrông Pơđơk 7:14

Inh đei tơmam soi pơyơ̆r bơnê tơ hnam inh, Năr 'nâu inh pơyơ̆r pơkeh boih kơ nơ̆r đêl pơkă.

Êsêkiên 43:27

Đơ̆ng rŏng năr kơ lu năr noh hlôi boih, đơ̆ng năr mă tơhngam tơ anăp, lu 'bok soi gô pơyơ̆r tơmam soi 'buh păng tơmam soi 'blŏk bơnê lu iĕm 'bơ̆t chơnang soi noh, thoi noh Inh gô iŏk dôm tơmam soi noh, Kră Yang khan.”

Êsêkiên 45:15

Đơ̆ng khŭl triu lăm anih 'nhĕt bluh arih 'lơ̆ng Isơrael, lăm 'bar-hrĕng tŏ triu gô iŏk minh wă pơm tơmam soi hăm phe 'ba păng tơmam soi 'buh, tơmam soi 'blŏk bơnê wă huai đơ̆ng yoch kơ kon pơlei, Kră Yang khan.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 17:5

Tơdrong noh wă kơ kon pơlei Isơrael iŏk tơmam soi lu sư mă đei 'bet pơlôch tơ bri tơ mir, na anhăk ba kơ 'bok soi, 'bơ̆t anăp Kră Yang tơ 'măng Bơsŭn Anih Akŭm. Wă 'bet pơyơ̆r soi sơmah kơ tơdrong 'blŏk bơnê kơ Kră Yang.

Lêwi 3:6

Tơdah tơmam sư pơyơ̆r wă 'blŏk bơnê kơ Kră Yang hăm triu tơno dah akăn athei rơih triu 'lơ̆ng huay kơ đei jĭ kiơ ôh.

Lêwi 9:18

Kŭm thoi noh mơ̆n, sư pơlôch rơmo păng triu tơno pơm tơmam soi 'blŏk bơnê yua kơ kon pơlei pơla. Lu kon drŏ-nglo Arôn ăn kơ sư pham na sư tơtraih pham noh tăp dăr kơ chơnang soi.

Lêwi 9:4

Minh pôm rơmo dăm, minh pôm triu tơno, wă pơm tơmam soi 'blŏk bơnê, pơyơ̆r 'bơ̆t anăp Kră Yang păng tơmam pơyơ̆r tơpŭng lŭk hrâu boih hăm đak rơmă ôliwơ yua kơ năr âu Kră Yang gô tơ'bôh akâu Sư kơdih kơ iĕm.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Malachi 1:8

Kơplah lu iĕm pơyơ̆r tơmam soi păng sem dơrong măt tol, tơdrong noh ưh kơ trŏ krưp dêh tơpă hă? Kơplah iĕm pơyơ̆r tơmam soi hăm sem dơrong jơ̆ng jo dah jĭ, tơdrong ưh kơ trŏ krưp dêh hă? Lu iĕm pơlong pơyơ̆r lăng kơ yŏng tơ'ngla iĕm thoi noh lăng sư hăm lăp đon kơ iĕm ưh?” Kră Yang Tih Hloh khan thoi noh.

Jo 15:8

Kơplah ih pơyơ̆r minh pôm rơmo dăm, dah jing soi 'buh, dah tơmam soi kơ tơdrong pơkă lăm tơmam soi bơnê ăn kơ Kră Yang,

Jo 6:14

sư athei pơyơ̆r tơmam soi sư kơ Kră Yang, wă khan minh pôm triu kon tơno minh sơnăm ưh kơ đei jĭ kiơ, pơm tơmam soi 'buh, iŏk minh pôm kon triu akăn dơ̆ng ưh kơ đei jĭ kiơ, dang minh sơnăm pơm tơmam soi pơyơ̆r yua kơ tơdrong yoch, iŏk dơ̆ng minh pôm kon triu tơno ưh kơ jĭ kiơ pơyơ̆r pơm tơmam soi bơnê hiôk-hian,

Jo 7:17

pơyơ̆r tơmam soi kơ tơdrong 'blŏk bơnê hiôk-hian; 'bar tŏ rơmo dăm, pơđăm tŏ triu tơno, pơđăm tŏ bơbe dăm păng pơđăm tŏ kon triu tơno truh minh sơnăm. Noh tơmam soi pơyơ̆r đơ̆ng Nahsôn, kon drŏ-nglo Aminađap.

Jo 7:59

Păng tơmam soi gah tơdrong hiôk-hian, 'bar tŏ rơmo dăm, pơđăm tŏ triu tơno, pơđăm tŏ bơbe tơno păng pơđăm tŏ triu kon tơno truh minh sơnăm. Noh tơmam soi đơ̆ng Gamaliel, kon drŏ-nglo Pêdasur.

Both 12:27

Tơ noh lu iĕm pơyơ̆r 'nhĕm păng pham pơm tơmam soi 'buh kơpal chơnang soi Kră Yang 'Bok Kei-Dei iĕm; mưh wă pơyơ̆r tơmam nai, iĕm tuh dan pham kơpal chơnang soi Kră Yang 'Bok Kei-Dei iĕm, na 'nhĕm noh iĕm gơh sa.

Kôlôsê 1:20

'Bok Kei-Dei ăn kơ Sư lôch tuh pham tơ 'long pơglang wă kơ tôm tơdrong tơ ala teh, tôm tơdrong tơ kơpal plĕnh hiôk hơiă hăm 'Bok Kei-Dei.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

Lu 21:4

Pơgê năr đơ̆ng rong lu kon pơlei pơla iung đơ̆ng hrôih pơm minh pơm chơnang soi păng pơyơ̆r tơmam soi 'buh păng pơyơ̆r tơmam soi 'blŏk bơnê.