Lêwi 27:8 - Sơ̆p Hlabơar Nơ̆r 'Bok Kei-Dei

⁸ Tơdah bơngai pơyơ̆r pơkă pơkăm noh dơnuh dêh, ưh kơ kĕ ăn jên kiơ̆ kơ hơgăt. Athei anhăk ba sư tơ anăp 'bok soi sư gô hơgăt kiơ̆ kơ bơngai noh kĕ đei.

Lêwi 27:8 Iomraidhean Croise

II Pot 7:5

Thoi noh, kơplah drơ̆m kơsơ̆ lu sư năm tơ anih linh Aram; kơplah lu sư truh 'bơ̆t anih noh ưh kơ đei 'bôh bu 'bơ̆t ei.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Lêwi 12:8

Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Lêwi 27:7

Tơdah bơngai kră đơ̆ng tơdrâu-jĭt sơnăm truh tơ kơpal, ih athei jô̆ tơdrong gĭt sư mơjĭt-pơđăm seikơl jên hu, kơ bơngai drŏ-nglo păng mơjĭt seikơl jên hu, kơ bơngai drŏ-kăn.

Lêwi 27:9

Tơdah pơkă pơyơ̆r hăm sem dơrong juăt kơ pơm tơmam pơyơ̆r kơ Kră Yang, na tơmam wă pơyơ̆r kơ Kră Yang noh athei 'lơ̆ng rơgoh.

Lêwi 5:11

Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Markôs 14:7

Bơngai dơnuh sư oei păng iĕm ling-lang. Dah iĕm wă mơnat kơ sư mă layơ kư̆m gơh, yua kơ Inh âu ưh kơ oei păng iĕm ling-lang ôh.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.