Lêwi 26:7 - Sơ̆p Hlabơar Nơ̆r 'Bok Kei-Dei

⁷ Lu iĕm gô druh lu bơngai ayăt kơ lu iĕm, na lu sư gô pơ̆k lôch kơ đao hơlă 'bơ̆t anăp lu iĕm.

Lêwi 26:7 Iomraidhean Croise

I Ho 19:15

Khŭl linh Ammôn 'bôh lu linh Siri kơdâu boih, lu sư kư̆m kơdâu đơ̆ng anăp Abisai oh Jôap, lu sư mơ̆t lăm pơlei, na Jôap brŏk tơ pơlei Jêrusalem.

Esther 9:16

Lu bơngai Juđa nai mă oei lăm dêh char pơtao pơgơ̆r, kư̆m akŭm băl mơ̆n wă pơklaih tơdrong arih kơdih akâu, blah lu bơngai ayăt kơ lu sư, pơlôch tơpơh-jĭt pơđăm-rơbâu 'nu bơngai areh kơ lu sư, mă-lei lu sư ưh kơ blah iŏk mŭk tơmam ôh.

Horiso 81:15

Lu bơngai mă hil areh kơ Kră Yang gô chu yom kơ Sư. Tơdrong chu lui kơ Sư oei oei ling-lang.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Lêwi 26:8

Pơđăm 'nu lăm lu iĕm gô druh minh-hrĕng 'nu, minh-hrĕng lăm lu iĕm gô druh mơjĭt-rơbâu 'nu, đơ̆ng noh lu ayăt kơ iĕm gô pơ̆k lôch kơ đao hơlă 'bơ̆t anăp iĕm.

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

Lu 15:15

Sư 'bôh kơting kang aseh iĕ bri 'nao lôch; sư dônh chĕp kơting kang aseh noh teh pơlôch minh-rơbâu 'nu bơngai Philistin.

Lu 4:16

Barak druh kiơ̆ gre aseh păng khŭl linh dĭng truh tơ Harôsêt Hagôim păng đĭ-đăng lu linh Sisêra đe pơlôch hăm đao gưm ưh pă đei lê̆ minh 'nu bơngai bu.

Lu 7:23

Lu bơngai Isơrael đơ̆ng adrĕch bơngai Naptali, Aser păng Manase pơpôi băl na druh 'moi pơlôch bơngai Miđian.

I Sam 14:13

Jônathan yua jơ̆ng ti sư hao tŏk tơ kơpal păng bơngai chĕp tơmam tơblah sư tŏk kiơ̆ Jônathan teh bơngai Philistin pơ̆k 'bơ̆t anăp Jônathan păng bơngai chĕp tơmam tơblah sư pơlôch lu sư đĭ.