Lêwi 26:36 - Sơ̆p Hlabơar Nơ̆r 'Bok Kei-Dei

³⁶ Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Lêwi 26:36 Iomraidhean Croise

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

Bl 4:12

Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

II Ho 14:14

Linh Juđa kư̆m đei blah lu pơlei tăp dăr kơ pơlei tih Gêrar, yua kơ đei tơdrong hli krưp dêh đơ̆ng Kră Yang pơm kơ lu pơlei tih noh; păng lu linh Asa blah iŏk đĭ mŭk tơmam đơ̆ng pơlei noh, yua kơ tơ lăm pơlei noh đei mŭk tơmam lơ dêh.

Jop 13:25

Ih hăm wă pơm tơhli inh thoi hla mă kial pơđông bơih, păng druh rôp hơnong 'ba kro ưh?

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Horiso 53:6

Ơ! Kuă kơ kiơ đơ̆ng Siôn tơdrong dŏng pơklaih Isơrael jah truh! Kơplah Kră Yang 'Bok Kei-Dei ba tơbrŏk lu kon pơlei sư đêl pơm bơnă. Kơplah noh Jakôp gô chơt hiôk păng Isơrael gô 'nă hal.

Horiso 89:43

Tơpă Ih plơ̆ lê̆ pla đao sư, Ưh kơ đei tơgŭm sư wă kơ kĕ dơ̆ng tơblah,

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 30:17

Minh-rơbâu 'nu bơngai kơdâu ôn Minh 'nu bơngai ayăt tơhli, pơđăm 'nu bơngai ayăt tơhli đĭ dang lu iĕm kơdâu ôn, Dĭng truh oei pă minh 'bar 'nu nhen thoi minh pôm jrăng kơ kơpal kơ̆l kông, nhen thoi hla-kơ hơtol kơpal groi.

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Êsai 7:4

Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Je 37:10

Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

Je 46:16

Lu sư gô kơtơih pơ̆k. Lu sư gô pơ̆k hơtŭt tơduă lu sư. Lu sư khan: ‘Iung wih brŏk bĕ tơ adrĕch adrung lu bơ̆n, tơ char mă mĕ tơpŭ kơ bơ̆n, weh đơ̆ng đao gưm đe pơjuă pơđep!’

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Nhom 1:6

Kon adruh Siôn hiong đĭ boih dôm tơdrong mă đe ư-ang. Lu kră pơgơ̆r nhen thoi juei chă tơmăn 'nhĕt sa pă đei, Kơdâu pă kĕ đĭ jơhngơ̆m 'bơ̆t anăp lu bơngai druh sư.

Nhom 4:19

Lu bơngai druh lu bơ̆n hrĕnh hloh kơ sem kring păr tơ plĕnh. Druh lu bơ̆n tơ jơ̆p rim kông, wă rôp lu bơ̆n tơ char 'blach,

Êsêkiên 21:12

Ơ kon bơngai, ôr nhơ̆m hmoi bĕ yua kơ đao noh wă blah kon pơlei Inh, blah lu yŏng pơgơ̆r Isơrael, đe jao boih lu sư kơ đao hăm lu kon pơlei Inh. Thoi noh sơ'ngon, pă đei tơdrong hơmĕng, tŭr kơtơh bĕ!

Êsêkiên 21:15

Noh pơm kơ jơhngơ̆m lu sư pơchah hach, đei lơ bơngai pơ̆k lôch, Inh đei dan boih đao wă pơlôch tơ rim 'măng jang lu sư. Ô! Đao pơm boih wă kơ pơlôch đe chơchêr thoi kơmlat; đe pơiel sư wă yua koh pơlôch.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Hôsia 8:3

Mă-lei lu bơngai Isơrael sơngah boih kơ tơdrong 'lơ̆ng, na lu ayăt gô druh lu sư.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:35

Teh đak lê̆ juơ rơhiăng, kơplah noh sư đei tơdrong pơdơh, na yua kơ lu iĕm oei lăm teh noh jing ưh kơ đei tơdrong pơdơh lăm sơnăm Sa'bat.

Both 1:44

Kơplah noh lu bơngai Amôrit mă oei lăm kông groi noh, lĕch đơ̆ng kông druh puh lu iĕm thoi sut, blah pơrăm lu iĕm lăm Seir truh tơ Horma.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 7:5

Bơngai pơlei Ahi pơlôch dang pêng-jĭt tơdrâu 'nu, druh lu linh Isơrael đơ̆ng 'măng dur pơlei truh tơ Sêbarim, blah lu sư kơplah lu sư jur tơ krang, jơhngơ̆m lu sư hli tơrơ thoi đak ro

I Sam 17:24

Đĭ-đăng lu linh bơngai Isơrael 'bôh Gôliat hli tơrơ, chă kơdâu ôn.