Lêwi 26:30 - Sơ̆p Hlabơar Nơ̆r 'Bok Kei-Dei

³⁰ Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Lêwi 26:30 Iomraidhean Croise

Bl 19:13

Nhi wă pơrăm lê̆ anih âu, yua kơ đei nơ̆r roi tơdrong kơnê̆ kơtơ̆ng truh tơ Kră Yang, thoi noh na Sư wơh nhi jur tơ âu wă pơrăm.”

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

I Pot 13:32

Yua kơ dôm nơ̆r sư pơma chu nơ̆r Kră Yang pơma blah chơnang soi lăm Pơlei Bethel păng lu hnam pơm yang tơ kơjung lăm dêh Samari, gô 'blep trŏ tơpă.

II Pot 23:16

Lăp Jôsia hue lăng, 'bôh hĭ lu bơsat tơ kơpal kông; na sư wơh bơngai năm iŏk kơting đơ̆ng lăm bơsat noh, đơ̆ng noh soh tơ kơpal chơnang soi, pơm kơ chơnang soi kơnê̆ 'mê̆-'mach thoi nơ̆r Kră Yang, mă đơ̆ng bơngai 'Bok Kei-Dei yua tơ'ngla mă roi tơbăt lê̆ adrol bơih kơ tơdrong noh.

II Pot 23:20

Sư pơlôch lê̆ lu 'bok soi mă jang lăm anih yang pơm kơpal anih kơjung, sư pơlôch kơtă kơpal chơnang soi hloi, soh rŭk lê̆ kơting đe noh. Đơ̆ng noh sư brŏk tơ Pơlei Jêrusalem.

II Pot 23:8

Sư kư̆m chông tơlĕch đĭ-đăng lu 'bok soi mă oei đơ̆ng jơ̆p-jang pơlei lăm dêh char Juđa, na pơm pơ'mê̆ lê̆ anih kơkuh kơ rup tơ anih kơjung anih mă lu sư ngăl soh 'long 'bâu phu, đơ̆ng Pơlei Gêba dĭng truh tơ Pơlei Bêrsêba; đơ̆ng noh sư kư̆m teh pơchah lu chơnang soi kơ yang tơ 'nguaih 'măng dur pơlei, noh 'bơ̆t jê̆ 'măng Jôsuê yŏng wei pơlei, tơ gah 'ngiĕo kơ 'măng jang pơlei.

II Ho 23:17

Đĭ-đăng lu kon pơlei năm tơ hnam yang Baal, pơrăm lê̆ lu chơnang soi păng rup man sư păng pơlôch Matan 'bok soi kơ yang Baal 'bơ̆t anăp chơnang soi.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

Horiso 89:38

Mă-lei Ih sơngah păng achăng lê̆ sư. Ih hil mĭl bơngai mă Ih đei hling đak rơmă.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Êsêkiên 16:39

Inh gô jao ih lăm tơpang ti lu bơngai mă ih hưch. Lu sư gô teh tơpăk anih kơjung ih păng teh tơlơ̆ lu anih ih juăt kơkuh, iŏk lê̆ tơmam ih pơguăng păng plôh yaih lê̆ hơbĕn ao ih, lê̆ ih akâu hoh.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Lêwi 20:23

'Nĕ kơ pơm kiơ̆ tơdrong juăt lu kon pơlei mă Inh gô puh tơweh sư đơ̆ng anăp lu iĕm; yua kơ lu sư pơm dôm tơdrong kơnê̆ noh na Inh hil mĭl dêh kơ lu sư tơpă.

Lêwi 26:11

Inh gô pơm anih oei Inha tŏk-bŏk lu iĕm, Inh ưh kơ đei weh đơ̆ng lu iĕm ôh.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Am 7:9

Lu anih kơjung Isăk gô juơ, lu anih rơgoh Isơrael gô pơrăm đĭ păng inh gô iŏk đao gưm iung blah hnam Jêrôbôam. Amôt păng 'bok soi Amsia

Both 32:19

Kră Yang 'bôh đĭ, na Sư hil. Na achăng hŭt lê̆ kon drŏ-nglo păng kon drŏ-kăn.