Lêwi 26:19 - Sơ̆p Hlabơar Nơ̆r 'Bok Kei-Dei

¹⁹ Inh gô pơglơh lê̆ tơdrong pơang jơhngơ̆m pran lu iĕm, Inh gô pơm kơ plĕnh kơpal lu iĕm arăng dang mam teh đak ala lu iĕm thoi kong.

Lêwi 26:19 Iomraidhean Croise

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 8:35

Mưh plĕnh phang ưh kơ đei đak 'mi yua kơ đơ̆ng lu sư pơm yoch hăm Ih, mă-lei dah lu sư năm tơkan tơ anih âu krao khan hơdrĭ hăm anăn ih, hŭt lê̆ tơdrong yoch lu sư, yua kơ ih phak bơtho lu sư boih.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 25:11

Mă lu sư gô pơdăng ti lu sư lăm noh, thoi bơngai glơi đak pơdăng ti sư wă glơi, mă-lei Kră Yang gô tơhuŏng lê̆ tơdrong pơang lu sư, Mă ti lu sư yơ̆r hơwơi ră.

Êsai 26:5

Sư tơjur lê̆ lu bơngai oei tơ kơpal, teh pơchah lê̆ bơih pơlei tih kơjăp, tơjur lê̆ lu bơngai pơang truh tơ teh, huŏng lăm 'mui teh.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Je 13:9

Kră Yang khan thoi âu: “Inh gô pơrăm tơdrong pơang lu bơngai Juđa păng tơdrong pơang pơlei tih Jêrusalem.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 30:6

Kră Yang khan thoi âu: “Lu bơngai mă tơgŭm Êyiptơ gô pơ̆k; jơhngơ̆m pran kơtang mă lu sư ư-ang gô huŏng. Lu sư gô pơ̆k huŏng yua kơ đao tơ noh, iŏk đơ̆ng Mikdôl truh tơ Aswan, Kră Yang khan thoi noh.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Both 11:17

Kơplah noh Kră Yang gô hil mĭl kơ lu iĕm, sư gô tang lê̆ plĕnh, na ưh pă đei đak 'mi dơ̆ng, teh pă đei plei sa: Lu iĕm gô lôch hiong đơ̆ng lăm dêh char 'lơ̆ng, mă đơ̆ng Kră Yang ăn kơ lu iĕm.

Both 28:23

Lu plĕnh tơ kơpal kơ̆l nhen thoi kong, na teh tơ ala jơ̆ng nhen thoi bơsei.

I Sam 4:11

Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.

I Sam 4:3

Wă kon pơlei mă oei arih brŏk tơ kơđông linh, lu đe kră Isơrael khan: Yua kơ kiơ năr 'nâu Kră Yang ăn kơ đe Philistin tơblah pơrăm lu bơ̆n? Lu bơ̆n năm tung iŏk Hom Pơgơ̆p Kră Yang đơ̆ng Silô; brŏk tơ âu Sư gô oei hơdai bơ̆n dŏng pơklaih lu bơ̆n đơ̆ng ti lu bơngai ayăt kơ bơ̆n!