Lêwi 26:17 - Sơ̆p Hlabơar Nơ̆r 'Bok Kei-Dei

¹⁷ Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:17 Iomraidhean Croise

Bl 4:12

Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

I Pot 8:33

Tơdah lu bơngai Isơrael. Đei pơm yoch hăm Ih, na lu bơngai ayăt blah iŏk. Tơdah lu sư băt wơ̆t wih tơ Ih dơ̆ng, ư-ang kơ anăn Ih păng krao khan hơdrĭ hăm Ih lăm Hnam akŭm âu,

II Pot 13:3

Kră Yang hil mĭl kơ lu đe Isơrael, Sư jao lu bơngai Isơrael lăm ti Hasael, pơtao đe Aram păng Ben Hadat kon drŏ-nglo Hasael đĭ lăm kơplah 'bar chăl pơtao noh pơgơ̆r.

II Pot 13:7

Lăm đĭ-đăng khŭl linh Jêhôahas, Kră Yang 'Bok Kei-Dei oei lê̆ lăi lăp pơđăm-jĭt 'nu linh hao aseh păng mơjĭt tŏ gre aseh tơblah păng mơjĭt-rơbâu 'nu linh yak jơ̆ng, yua kơ pơtao đe Aram đei pơrăm lu linh đe Isơrael păng juă bơhlơ̆r lu sư, nhen thoi teh rơpŭk tơ anih đe pơjuă 'ba.

Horiso 44:10

Ih pơm ăn kơ lu nhôn kơdŭn 'bơ̆t anăp lu ayăt, Păng lu areh kơ nhôn, tơgar iŏk tơmam đơ̆ng lu nhôn

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Horiso 53:6

Ơ! Kuă kơ kiơ đơ̆ng Siôn tơdrong dŏng pơklaih Isơrael jah truh! Kơplah Kră Yang 'Bok Kei-Dei ba tơbrŏk lu kon pơlei sư đêl pơm bơnă. Kơplah noh Jakôp gô chơt hiôk păng Isơrael gô 'nă hal.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 30:17

Minh-rơbâu 'nu bơngai kơdâu ôn Minh 'nu bơngai ayăt tơhli, pơđăm 'nu bơngai ayăt tơhli đĭ dang lu iĕm kơdâu ôn, Dĭng truh oei pă minh 'bar 'nu nhen thoi minh pôm jrăng kơ kơpal kơ̆l kông, nhen thoi hla-kơ hơtol kơpal groi.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 44:11

Thoi noh 'nâu Kră Yang Tih Hloh 'Bok Kei-Dei Isơrael, khan: “'Nâu Inh gô ăn tơdrong răm truh păng pơlôch pơrăm đĭ lu iĕm bơngai Juđa.

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Êsêkiên 15:7

Inh gô tơwih muh măt blah plơ̆ lu sư, mă khan lu sư klaih dơ̆ng ŭnh boih ră, ŭnh gô sa lu sư; na lu sư gô băt Inh boih Kră Yang.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Jôsuê 7:4

Thoi noh, đei dang pêng-rơbâu 'nu bơngai tŏk năm tơblah tơ noh, mă-lei lu sư kơdâu tơklah tơklang kơ bơngai pơlei Ahi.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 3:14

Eglôn pơtao char Môap pơjuă pơđep kon pơlei Isơrael lăm mơjĭt-tơhngam sơnăm.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.

I Sam 31:1

Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.