Lêwi 26:16 - Sơ̆p Hlabơar Nơ̆r 'Bok Kei-Dei

¹⁶ Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Lêwi 26:16 Iomraidhean Croise

I Pot 8:37

Mưh lăm dêh char âu đei tơdrong truh pơngot rơwĕt, phang-ang, đei lep kơnu, hơdrông, phơ̆k kơmot sa, lôch hơ'buh dah đei lu ayăt truh wang blah lăm pơlei dêh char anih lu sư, dah đei tơdrong gleh truh jĭ jăn.

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Jop 20:25

Sư toh 'brơ̆m noh đơ̆ng kơdŭ rŏng, 'Brơ̆m suĕng 'bet klĕch tơ klơm kơmăt sư. Sư hli krưp tơpă.

Jop 31:8

Ăn kơ bơngai nai sa mă đơ̆ng inh rei, Ăn kơ lu sư buch lê̆ đêl inh pơtăm.

Horiso 109:6

Ăn bĕ bơngai kơnê̆ pơm kơ lu sư, Ăn bơngai jâu dơ̆ng gah 'ma kơ lu sư.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Horiso 78:33

Thoi noh Sư pơm kơ 'năr lu sư hiong đĭ ưh kơ yua. Pơm kơ khei sơnăm lu sư hiong tôch lăm tơdrong hli krưp.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Je 20:4

Yua kơ Kră Yang khan: “'Nâu Inh gô pơm ăn kơ ih đei tơdrong hli tơrơ ih kơdih păng kơ bôl buăl ih hai. Lu sư gô lôch kơ đao gưm lu bơngai ayăt tơm măt ih. Inh gô jao lu kon pơlei Juđa lăm ti pơtao char Babilôn, pơtao gô rôp anhăk lu sư pơm đĭch tơ char Babilôn dah yua đao gưm pơlôch hloi lu sư.”

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Êsêkiên 24:23

Chô̆ bĕ che tơ kơ̆l, 'bot bĕ chơkhŏ; 'nĕ pă hmoi ơh, 'nĕ pă nhơ̆m; mă-lei gô ơh sơ'ngon jing hơkĕ kơ tơdrong yoch kơdih păng lu iĕm gô sơ'ngon hơdai.

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Sa 14:12

Đơ̆ng noh, 'nâu mă Kră Yang wă phak lu bơngai mă tơblah hăm Jêrusalem: Sư pơm ăn kơ jơ̆ng rim 'nu lu sư bluch kơplah lu sư oei dang dơ̆ng, klong măt lu sư gô ôm lăm măt, đơ̆ng noh hơpiĕt lu sư gô ôm lăm 'bơ̆r lu sư.

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

Hêbrơ 10:31

Na bơ̆n pơm ưh kơ 'blep trŏ kơ tơ'ngla mă arih ling-lang, hơmơt dêh hli kơ Sư phak.

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

I Sam 2:33

Inh gô oei lê̆ minh 'nu đơ̆ng lăm adrĕch iĕm, wă kơ oei bơ̆jang tơ chơnang soi inh, mă-lei bơngai noh arih pơmat-tat chhŭr nuih lăm jơhngơ̆m. Yua kơ lu kon hơ'lơ̆p păng lu bơngai nai gô lôch kơ đao gưm.