Lêwi 26:11 - Sơ̆p Hlabơar Nơ̆r 'Bok Kei-Dei

¹¹ Inh gô pơm anih oei Inha tŏk-bŏk lu iĕm, Inh ưh kơ đei weh đơ̆ng lu iĕm ôh.

Lêwi 26:11 Iomraidhean Croise

II Sam 7:7

Mă tơ anih ayơ Inh năm hăm kon pơlei Isơrael, Inh hăm đei layơ chă pơma chrih kơ lu bơngai mă Inh đei rơih wă wei-lăng kon pơlei Isơrael Inh: Liơ lu iĕm ưh kơ pơm kơ Inh minh pôm hnam hăm 'long hơngo?

I Pot 6:13

Inh gô oei hơdai lu bơngai Isơrael. Inh ưh kơ achăng lê̆ ôh bơngai Isơrael kon pơlei pơla inh.”

I Pot 8:13

Dang ei inh pơm Hnam akŭm 'lơ̆ng rŏ keh bơih; anih wă kơ Ih oei ling-lang.”

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

Horiso 76:2

Hnam anih akŭm Sư tơ Salem păng anih oei Sư tơ Siôn

Horiso 78:59

wă Kră Yang 'Bok Kei-Dei kơtơ̆ng tơdrong noh, Sư blĕk tơpă; Sư hil achăng lê̆ lu bơngai Isơrael hloi;

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Le 29:46

Na lu sư gô băt kơ Inh jơ̆ Kră Yang 'Bok Kei-Dei lu sư, tơ'ngla chông ba lu sư lĕch đơ̆ng dêh Êyiptơ na wă kơ Inh oei hăm lu sư, Inh jơ̆ Kră Yang 'Bok Kei-Dei lu sư.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

Lêwi 20:23

'Nĕ kơ pơm kiơ̆ tơdrong juăt lu kon pơlei mă Inh gô puh tơweh sư đơ̆ng anăp lu iĕm; yua kơ lu sư pơm dôm tơdrong kơnê̆ noh na Inh hil mĭl dêh kơ lu sư tơpă.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Lêwi 26:43

Yua kơ char lu sư hlôi achăng lê̆ bri juơ, gô đei dôm sơnăm Sa'bat, kiơ̆ kơ lu sư đei achăng lê̆ dôm yơ noh; lu sư gô chu iŏk tơdrong bơtho pơjĭ yua kơ tơdrong yoch lu sư kơdih, yua kơ lu sư sơngah ưh kơ kiơ̆ nơ̆r Inh tơtă păng areh kơ tơdrong juăt Inh.

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Both 32:19

Kră Yang 'bôh đĭ, na Sư hil. Na achăng hŭt lê̆ kon drŏ-nglo păng kon drŏ-kăn.

Jôsuê 22:19

Tơdah teh lu iĕm iŏk kơnê̆ ưh kơ 'lơ̆ng, năm bĕ tơ teh Kră Yang đei pơkă ăn, pơm bơsŭn anih akŭm Kră Yang, na chĕng iŏk teh noh oei păng 'nĕ pơjing chơnang soi kơdih ayăt kơ Kră Yang 'Bok Kei-Dei lu bơ̆n.

Jôsuê 22:31

Thoi noh Phinêhas, kon drŏ-nglo 'bok soi Êlêasar, pơma khan hăm lu bơngai Rubên, bơngai Gat păng lu bơngai Manase: Năr âu lu bơ̆n băt boih Kră Yang oei hơdai hăm lu bơ̆n, yua kơ lu tơdrong lu iĕm ưh kơ pơm yoch hăm Kră Yang; dang ei lu iĕm pơklaih kon pơlei Isơrael đơ̆ng tơpang ti Kră Yang.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Tơdrông Tơ'bôh 7:15

Thoi noh na dang ei lu sư oei 'bơ̆t anăp tang-dŏ 'Bok Kei-Dei, kơkuh kơ 'Bok Kei-Dei ling-lang măng năr tơ noh. Pơtao bơ̆n 'Bok Kei-Dei kư̆m oei hơdai lu sư. Lu sư huay pă đei tơdrong truh dơ̆ng boih.