Lêwi 24:9 - Sơ̆p Hlabơar Nơ̆r 'Bok Kei-Dei

⁹ Lu 'bĕng âu gô 'măn kơ Arôn păng lu kon drŏ-nglo sư, lu sư gô sa tơ anih 'lơ̆ng rơgoh, yua kơ tơmam 'măn kơ lu sư noh rơgoh, noh đơ̆ng lu tơmam soi yua 'buh hăm ŭnh pơyơ̆r kơ Kră Yang, noh jing tơdrong juăt pơkă ling-lang.

Lêwi 24:9 Iomraidhean Croise

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Lêwi 10:12

Môis khan kơ Arôn păng lu kon drŏ-nglo sư oei arih, noh Êlêasar păng Ithamar. Ih iŏk bĕ tơmam pơyơ̆r, phe 'ba mă oei rơkah, đơ̆ng soh pơyơ̆r tơ chơnang soi kơ Kră Yang boih athei sa hloi hăm 'bĕng ưh kơ đei 'buih pông 'bơ̆t cheng chơnang soi; yua kơ tơmam âu jơ̆ rơgoh.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 24:10

Đei minh 'nu kon drŏ-nglo mĕ sư bơngai Isơrael 'bă sư bơngai Êyiptơ sư yak chă ngôi lăm bơngai Isơrael, tơhil tôn tơteh băl hăm minh 'nu bơngai Isơrael.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Lêwi 6:16

Lu tơmam mă oei oei Arôn păng lu kon drŏ-nglo sư gô sa tơmam noh, ưh kơ đei 'buih pông, tơ lăm minh anih rơgoh, wă khan sa tơ cham Bơsŭn Anih Akŭm.

Lêwi 6:9

Tơtă bĕ kơ Arôn hăm lu kon drŏ-nglo sư: 'Nâu Jơ̆ tơdrong juăt gah tơmam soi 'buh, tơmam soi 'buh athei dan kơpal ŭnh tơ chơnang soi prăt măng dĭng truh tơ pơgê. Ŭnh kơpal chơnang soi athei wei khơ̆ng hơnơ̆ng.

Lêwi 8:3

Đơ̆ng noh akŭm đĭ-đăng kon pơlei, 'bơ̆t anăp Bơsŭn Anih Akŭm.

Lêwi 8:31

Môis khan kơ Arôn păng lu kon drŏ-nglo sư: Lu iĕm athei pai sa 'nhĕm tơ anăp 'măng Bơsŭn Anih Akŭm păng sa hloi tơ noh, sa hăm 'bĕng lăm bai gah tơmam soi pôk tơdrong jang, thoi inh đei pơkă bơih kơ Arôn păng lu kon drŏ-nglo sư gô sa 'nhĕm noh.

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”

Mathiơ 12:4

Lu sư mơ̆t tơ hnam 'Bok Kei-Dei tơm. Đawit sư ưh kơ pơm 'bok soi ră, mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh iŏk sa, mă-lei lu bôl Đawit gơh iŏk sa mơ̆n.

Markôs 2:26

Lu sư mơ̆t lăm hnam akŭm 'Bok Kei-Dei tơm, Abiatha oei pơm 'bok soi tơm sơ̆. Đawit sư ưh kơ pơm 'bok soi ôh, mă-lei sư kư̆m gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh sa; mă-lei 'bok Đawit sư iŏk asong kơ lu bôl sư sa mơ̆n.”

Luka 6:4

Na lu sư mơ̆t lăm hnam akŭm 'Bok Kei-Dei. Đawit sư ưh kơ pơm 'bok soi ră mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei noh pôm lu 'bok soi đĕch gơh sa, mă-lei Đawit sư iŏk asong kơ lu bôl sư sa mơ̆n.”

I Sam 21:6

Thoi noh, 'bok soi tơm ăn kơ Đawit 'bĕng 'lơ̆ng rơgoh yua kơ tơ noh ưh kơ đei 'bĕng nai 'nguaih kơ 'bĕng rơgoh 'lơ̆ng mă đe 'măn lê̆ 'bơ̆t gơ'bang anăp Kră Yang, wă tơplih kơ 'bĕng 'nao plơ̆ng lăm minh năr tơplih.