Lêwi 24:5 - Sơ̆p Hlabơar Nơ̆r 'Bok Kei-Dei

⁵ Ih athei iŏk tơpŭng pơtŏ tơ ŭnh pơm mơjĭt-'bar tŏ 'bĕng, minh pôm 'bĕng man iŏk 'bar lăm mơjĭt êpha tơpŭng.a

Lêwi 24:5 Iomraidhean Croise

I Pot 18:31

Êli iŏk mơjĭt-'bar tŏ tơmo kiơ̆ kơsô̆ mơjĭt-'bar adrĕch kon drŏ-nglo Jakôp, bơngai mă nơ̆r Kră Yang khan: “Anăn ih gô krao Isơrael.

I Ho 23:29

Lu sư kư̆m wei-lăng gah dan pôk 'bĕng tơ kơpal gơ'bang, tơpŭng 'ba mi wă pơyơ̆r phe 'ba wă yua pơm tơmam sa sap, 'bĕng klang ưh kơ đei 'buh pông, 'buih phang 'bĕng pơjrâu hăm đak rơmă păng kŏng pơtŏ tih iĕ.

I Ho 9:32

Đei mơ'nah 'nhŏng oh lu sư adrĕch Kôhat lu sư pơm hơmet 'bĕng tơ gơ'bang rim năr pơdơh Sa'bat.

II Ho 13:11

Rim pơgê hrôih păng kơsơ̆ lu sư soh pơyơ̆r tơmam soi 'buh păng pơgang 'bâu phu ăn kơ Kră Yang; lu sư kư̆m dan 'bĕng 'lơ̆ng rơgoh kơpal gơ'bang rơgoh păng kư̆m tơ̆k ŭnh kơđeng tơ rim jơ̆ng kơđeng maih wă kơ sư khơ̆ng kiơ̆ kơmăng. Lu nhôn pơm kiơ̆ nơ̆r Kră Yang 'Bok Kei-Dei lu bơ̆n bơtho khan, gah lu iĕm achăng lê̆ Sư boih.

Ne 10:33

Gah tơpŭng 'lơ̆ng rơgoh, gah tơmam pơyơ̆r phe 'ba, hơ'bo 'bum, gah tơmam soi pơyơ̆r 'buh juăt kơ pơyơ̆r, gah tơmam soi pơyơ̆r lăm năr Sa'bat, năr blŭng-a lăm rim khei, gah năr kơ̆m giĕng nai, tơmam soi pơyơ̆r huai tơdrong yoch kơ lu kon pơlei Isơrael păng dôm lu adrĕch nai lăm hnam akŭm 'Bok Kei-Dei lu nhôn.

Ne 10:34

Lu nhôn, lu bơngai 'bok soi, bơngai Lêwi păng lu kon pơlei nai hlang lăng gah tơdrong jang pơyơ̆r 'long ŭnh, rim sơnăm trŏ thoi năr pơkă, na kiơ̆ thoi 'bok lu nhôn chĕp ba 'long ŭnh noh tơ hnam akŭm 'Bok Kei-Dei lu nhôn, wă tơkuh tơ kơpal chơnang soi Kră Yang 'Bok Kei-Dei lu nhôn, thoi đei chih lăm sơ̆p hla bơar khôi juăt noh.

Le 25:30

Tơ kơpal gơ'bang ih gô 'măn 'bĕng tơpŭng athei đei ling-lang 'bơ̆t anăp Inh.

Le 39:36

gơ'bang păng đĭ-đăng tơmam yua kơ sư păng 'bĕng rơgoh;

Le 40:23

na dan 'bĕng tơ gơ'bang, 'bơ̆t anăp Kră Yang, kiơ̆ thoi nơ̆r Kră Yang đei pơkă kơ Môis.

Le 40:4

Iŏk tơmơ̆t gơ'bang tơ lăm, dan proh hơmet dôm lu tơmam kơpal gơ'bang, đơ̆ng noh chĕp jơ̆ng ŭnh kơđeng tơmơ̆t păng tơ̆k rim ŭnh kơđeng.

Jo 4:7

Păng kư̆m lơ̆k minh blah che dreng plĕnh tơ kơpal gơ'bang dan 'bĕng pơyơ̆r ăn kơ Kră Yang 'Bok Kei-Dei, tơ kơpal gơ'bang đe dan pơnhan chhĕr, pơnhan tô, pơnhan iĕ, kơthao păng 'bĭnh wă mong tơmam huch sa. 'Bĕng athei đei tơ noh ling-lang.

Mathiơ 12:4

Lu sư mơ̆t tơ hnam 'Bok Kei-Dei tơm. Đawit sư ưh kơ pơm 'bok soi ră, mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh iŏk sa, mă-lei lu bôl Đawit gơh iŏk sa mơ̆n.

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Hêbrơ 9:2

Hnam noh đe pơm păng tua-la-tăng đei 'bar tŏ lăm, rŏ dêh. Lăm mă mônh đe 'măn jơ̆ng kơđeng păng chơnang soi wă 'măn 'bĕng mi đơ̆ng đe pơyơ̆r kơ 'Bok Kei-Dei. Anih noh đe anăn anih giĕng soi.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

I Sam 21:6

Thoi noh, 'bok soi tơm ăn kơ Đawit 'bĕng 'lơ̆ng rơgoh yua kơ tơ noh ưh kơ đei 'bĕng nai 'nguaih kơ 'bĕng rơgoh 'lơ̆ng mă đe 'măn lê̆ 'bơ̆t gơ'bang anăp Kră Yang, wă tơplih kơ 'bĕng 'nao plơ̆ng lăm minh năr tơplih.

I Sam 21:7

Lăm năr noh, đei minh 'nu đĭch đam Sôl oei tơ noh mơ̆n, đe gơ̆t lê̆ sư lăm hnam akŭm 'bơ̆t anăp Kră Yang, anăn sư Đôe bơngai Eđôm, pơgơ̆r lu bơngai wei triu Sôl.