Lêwi 24:16 - Sơ̆p Hlabơar Nơ̆r 'Bok Kei-Dei

¹⁶ Bu pơma blông kơ anăn Kră Yang; đe gô pơlôch sư, kon pơlei gô klơ̆m sư păng tơmo. Mă khan bơngai đơ̆ng tơmoi nai, dah bơngai kon pơlei sư kơdih, mưh pơma blông kơ Anăn Kră Yang đe gô pơlôch đĭ.

Lêwi 24:16 Iomraidhean Croise

II Sam 6:2

Sư păng đĭ-đăng lu bơngai kiơ̆ truh tơ pơlei Baala dêh Juđa wă năm tung iŏk Hom pơgơ̆p Kră Yang 'Bok Kei-Dei; Hom noh kon pơlei krao anăn Kră Yang Tih Hloh, Kră Yang mă dan tang-dŏ Sư kơpal rim kơ chêrubim kơpal tơnglơ̆p Hom pơgơ̆p.

Horiso 139:20

Lu sư pơma kơnê̆ kơ Ih, yua anăn Ih pơma kư̆ kă.

Horiso 74:10

Ơ Kră Yang 'Bok Kei-Dei, lu ayăt gô pơjăm pơjuă Ih dĭng truh dang yơ? Wă lê̆ lu ayăt pơma kơnê̆ kơ anăn Ih ling-lang đĕch hă?

Horiso 74:18

Ơ Kră Yang, 'blŏk bĕ lu ayăt kơ Ih pơjăm Ih, Kon pơlei pơjăm Ih, kon pơlei kơtul kơwao blei hiap anăn Ih.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Mathiơ 12:31

Thoi noh na Inh khan kơ iĕm thoi âu: Mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei huay kơ jô̆ yo ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih bơngai mă pơjăm Yang Bơhngol 'Lơ̆ng Sư ôh.

Mathiơ 26:66

Na iĕm tơchĕng lăng bơ̆n wă pơm kiơ kơ bơngai âu?” Lu bôl sư khan: “Bơngai âu trŏ kơ pơlôch.”

Markôs 14:64

Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh. Na iĕm tơchĕng lăng bơ̆n wă pơm kiơ kơ Sư?” Na đĭ-đăng kơ bôl khan: “Bơngai âu trŏ kơ pơlôch.”

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 7:58

păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.