Lêwi 24:11 - Sơ̆p Hlabơar Nơ̆r 'Bok Kei-Dei

¹¹ Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Lêwi 24:11 Iomraidhean Croise

II Sam 12:14

Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

II Pot 18:35

Đĭ-đăng yang jơ̆p-jang dêh char lăm teh đak 'nâu, yang ayơ mă pơklaih bơih dêh char lu sư đơ̆ng tơpang ti inh? Lei na Kră Yang hăm gơh dŏng pơklaih Pơlei Jêrusalem đơ̆ng tơpang ti inh hă?”

II Pot 18:37

Êliakim, kon drŏ-nglo Hilkia, bơngai wei hnam pơtao. Sepna, bơngai chih răk hla bơar păng Jôa, kon drŏ-nglo Asap bơngai chih răk đei tơdrong truh wih brŏk tơ Hesekia hek lê̆ hơbĕn ao lu sư hiah đĭ, na roi kơ Hesekia dôm nơ̆r đêl Rapsaka pơma noh.

II Pot 19:10

“Iĕm athei khan thoi âu kơ Hesekia pơtao đe Juđa: 'Nĕ ăn kơ Kră Yang 'Bok Kei-Dei Tơ'ngla mă ih gơnang noh hơlĕnh kơ ih, khan: Pơlei Jêrusalem ưh kơ huŏng lăm ti pơtao đe Asiri.

II Pot 19:22

Ih pơjăm pơ'brơh kơ bu? Ih pơma re kơ bu? Tơpă, măt ih pơang lăng pơgloh kơ bu. Noh ih blah Yang 'Lơ̆ng Rơgoh, lu đe Isơrael!

II Pot 19:6

Êsai khan kơ lu sư: “Lu iĕm khan bĕ kơ yŏng tơ'ngla iĕm: Kră Yang khan: 'Nĕ kơ hli dôm lu nơ̆r mă lu iĕm kơtơ̆ng lu đĭch đam pơtao đe Asiri pơma pơjăm Inh.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 1:22

Lăm dôm tơdrong noh, Jop ưh kơ đei pơm yoch păng ưh kơ đei pơma kư̆ kă kơ Kră Yang 'Bok Kei-Dei.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 2:5

Apinh Ih chro ti pơrăm truh tơ kơting sĕch Jop sĭt sư gô hiap Ih.”

Horiso 74:18

Ơ Kră Yang, 'blŏk bĕ lu ayăt kơ Ih pơjăm Ih, Kon pơlei pơjăm Ih, kon pơlei kơtul kơwao blei hiap anăn Ih.

Horiso 74:22

Ơ Kră Yang 'Bok Kei-Dei, iung bĕ dŏng tơdrong Ih, Athei 'blŏk bĕ lu kơtul pơjăm Ih prăt năr?

Le 18:22

Wă kơ lu sư chă sek tơlang ăn kơ kon pơlei rim năr. Tơdah đei tơdrong truh tih, lu sư athei ba tơ ih; na mă dôm tơdrong iĕ, lu sư chă sek tơlang kơdih. Lei na tơdrong jang ih hơiơch 'biơ̆; lu sư gô wang pŭ tơdrong jang hơdai ih.

Le 18:26

lu sư chă sek tơlang kơ kon pơlei ling-lang. Dôm tơdrong anat lu sư ba ăn tơ Môis sek mă-lei lu sư sek tơlang dôm lu tơdrong iĕ 'bônh.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Lêwi 24:10

Đei minh 'nu kon drŏ-nglo mĕ sư bơngai Isơrael 'bă sư bơngai Êyiptơ sư yak chă ngôi lăm bơngai Isơrael, tơhil tôn tơteh băl hăm minh 'nu bơngai Isơrael.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Tơdrông Tơ'bôh 16:11

Lu sư pơma kơnê̆ kơ Kră Yang mă oei tơ plĕnh, yua kơ lu sư hăl hang kơ jĭ tơ'boch păng dôm tơdrong pơmat noh. Mă-lei lu sư ưh kơ chu tơbral tơdrong yoch lu sư pơm ôh.

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.